ရွာ သူကြီး ရွေးပွဲ

ရန်ကုန်မြို့ ၏ ဒုတိယ ၀န်ဒန်မီယာ

စိမ်းစိုအုံ့ ဆိုင်းနေသော သစ်ပင်ကြီးများနှင့် ညီညာစွာစီတန်းလျက်ရှိသော တမာပင်တန်းများ ရှိသော ရန်ကုန်မြို့ လယ်ခေါင် တွင် တမူထူးခြားစွာ ဆိတ်ငြိမ်လျက်ရှိသော လမ်းလေးတလမ်းကို လူတိုင်း သိကြပေလိမ့်မည်။ အင်္ဂလိပ်ခေတ်က ချောင်းငယ်ကလေးတစ်ခုဖြတ်သန်း စီးဆင်းခဲ့သည် ကို အကြောင်းပြု၍ Creek Street
( ကရိလမ်း)ဟုခေါ်တွင်ခဲ့ကြသည်။ သို့ သော် အချို့ ကလည်း နား ကြားလွဲကာ Jesus Christ သခင်ယေရှူ့ ခရစ်တော် ကို အစွဲပြုခေါ်ဝေါ်သည်ဟု အထင်ရောက်ပြီး ခရစ်လမ်း ဟု လွဲမှားစွာ နားလည်ထားကြသည်။

ထို လမ်းတွင် နေထိုင်ကြသော လူများသည် အများအားဖြင့် ကြေးရတက်လူချမ်းသာများ ၊ ရာထူး ဌာန ကြီးမြင့် သော အရာရှိကြီးမျာ ၊ ပင်စင်စား အငြိမ်းစား ဆိုသူကြီးများ နှင့် အတူ အထည်ကြီးပျက် ဟု ဆိုရမည့် ယခင်ကလောက် ဓန အင်အား မပြည့်စုံသော်လည်း ရှိရင်းစွဲ အိမ်ကြီးရခိုင် ဖြင့် နေနိုင်ကြသူများ နေထိုင်ကြလေသည်။

ဆိတ်ငြိမ်အေးချမ်းသော ထို လမ်းကို အများက ရန်းကုန်မြို့ ၏ ဒုတိယ ၀န်ဒန်မီယာ ဟု တင်စားခေါ်ဝေါ်ကြသည်။


လူငယ်လေးတစ်ဦး

ထို လမ်းတွင် ဇော်အောင် ဟုခေါ်သော လူငယ်တစ်ဦးရှိလေသည်။ လောကတွင် သားသမီးဟူသည်မှာ မိဘ၏ ဆိုးမွေ ကောင်းမွေကို ခံယူရသော အစဉ်အလာရှိသည့် အားလျော်စွာ သူ့ ဖခင်ကြီး ၏ အကောင်းအဆိုး များကို ခံယူရသော သူ ဖြစ်သည်။

ထိုလူငယ်လေးသည် ရုပ်ရှင် ဗွိဒီယို ၀ါသနာပါသည့်အလျောက် အစိုးရ ၀ါဒဖြန့် ကား ဖြစ်သည့် အဖေနှင့် သားများ ဆိုသည့် ဇာတ်ကားကြည့်ဖူးသည် ။ ဖခင် ရွာသူကြီးထက် လက်ဝါးစောင်းထက်သော သူကြီးသား ဖိုးစည် ဆိုသူ ကို လွတ်သဘောကျသည် ။ ထိုစဉ်ကတည်းက သူ၏ အဖေ ကလည်း သူ့  ကို မြောက်ပင့်ကာ.. ငါ့သားကြီးလည်း သူကြီးသားဖိုးစည် ပါပဲ ဟု အမြဲ ပြောဆိုတတ်သည်။

မှန်ပါသည်။ ဇော်အောင် ၏ အဖေသည် ရပ်ကွက်လူကြီး ဟု အများ သိထားသော ရ.ယ.က ဥက္ကဌတစ်ဦးဖြစ်သည်။

ဘုရားဟော ဇာတ်နိပါတ်တော် ၊ မာဃလုလင် ထဲတွင် . မာဂဓ ရွာသူကြီး ဦးမာဃ သည် လမ်းဖောက် ၊ တံတားဆောက်ခြင်း ရပ်ရွာအကျိုးပြု ကုသိုလ်များကြောင့် တာဝတိံသာနတ်ပြည်တွင် သိကြားမင်း ကြီး ဖြစ်လေသည်။

ဒီလို ဆိုရင်ဖြင့် . ဇော်အောင် ၏ ဖေဖေ သည်လည်း ....

သို့ သော် . ဤ ရာထူးကို သူ့ သဘောဆန္ဒအလျောက် ဆိုသည်ထက် မလွဲသာ မရှောင်သာပဲ သမိုင်းပေးတာဝန်အရ ဤ တာဝန်ကို ယူခဲ့ရသည် ဆိုလျှင် မည်သူ ယုံကြမည်နည်း ။

အခြားသူ ယုံခြင်း ၊ မယုံခြင်းထက် ။ ဥက္ကဌကြီးကတော် ဇော်အောင့် မေမေ ကျေနပ်ဖို့ က အရေးကြီးလှသည်။

အစိုးရ ၀န်ထမ်း တစ်ဦးဖြစ်သော သူ၏ မိခင် သည် ရုံးပိတ်ရက်များတွင် အထက်တန်း ကျောင်းသူ ကျောင်းသားများကို ကျူရှင်ပြခြင်း စသည့် အပိုဝင်ငွေ ရနိုင်မည့် အလုပ်တို့ အပြင် နီးစပ်ရာ အိမ်နားနီးချင်းတို့ အပ်နှံသည့် အကျီ င်္ ဘောင်းဘီ တို့ ကို လက်ခစား ချုပ်လုပ်ပေးသည်

စီးပွားရေးကိုသာ အာရုံစိုက်သော အမေ က သူ၏ ခင်ပွန်းကို ဤသို့ ရပ်ကွက် အလုပ် . လုပ်နေခြင်းကို မနှစ်မြို့ ပေ။

လင်နှင့်မယား လျှာနှင့်သွား ဟု ဆိုပါမူ . ဇော်အောင် တို့ ၏ အိမ်တွင်းရေး ပြသနာဖြစ်တိုင်း အဖေ့ ရပ်ကွက် အလုပ်ကိစ္စများက တနည်းတဖုံး ပတ်သက် လျက်ရှိသည်။

လင်ယောကျာ်းဖြစ်သူ အိမ်ဦးနတ်ကြီးက တစ်ပြားတစ်ချပ်မှ မရသော ရပ်ကွက်အလုပ်ကို အအိပ်ပျက် အစားပျက် ကျန်းမာရေး အထိ ခိုက်ခံကာ လုပ်နေရသည်ကု မြင်သဖြင့် ၄င်း က ဂရုဏာဒေါသေဖြင့် ထို အလုပ်ကို ဝေလေလေ .. ဘုံကျွန် အလုပ်ကြီး ဟူ၍ အမြဲလိုလို အဆိုးမြင်တတ်သည်။

ပြောမည်ဆိုလျှင်လည်း ပြောချင်စရာပင်။

သူ၏ ဖခင် သည် ညနေစောင်းပြီး ဆိုသည်နှင့် သူ ၏ ရပ်ကွက် ရုံးကို နေ့ စဉ်ပုံမှန် သွားရသည်။ မိုးကြီးလေထန် ပြီး ရေလျှံ နေလျှင်လည်း ရုံး ကမပိတ်စေရ။

ညဘက်ဆိုလျှင် ပုံမှန် ဆယ်နာရီလောက်မှ ပြန်လာတတ်ပြီး တခါတရံ ယာဉ်စစ် ဧည့်စစ် ရှိသည်ဆိုလျှင် သန်းခေါင်ကျော် သည် အထိ ပြန်မရောက်တတ်ပေ။

ထို့ ကြောင့် အဆိုတော် ရဲလေး ၏ အိမ် သီချင်းထဲမှ . ခြောက်နာရီ ဆို အဖေ ရယ် ပြန်လာ ပေးပါ . ဆိုသော နေရာတွင် ဇော်အောင် က. ဆယ့်နှစ်နာရီ ကျော် ရင် အဖေ ရယ် ပြန်လာပေးပါ ဟု ရယ်စရာလုပ်ပြီး နောက်ပြောင် သီဆိုလေတော့သည်။

ထို့အတူ မာမာအေး ၏ ပြည်ထောင်စုသား သီချင်းကို လည်း သူ ၏ မိခင် ကို မူပိုင် ပေးရမည်လော ။

(လာ.လာ လေ ၊ လာကြလေ. အနယ်နယ် အရပ်ရပ်က တို့ ပြည်သူတွေ

ရပ်နီးကနေ ရပ်ဝေးကနေ ချစ်သောပြည်သူတွေ .

ဝေလေလေ.)

ရပ်ကွက်လူကြီး ဖြစ်သော ဇော်အောင့် ဖခင်သည် သိကြားမင်း ကြီး ဦးမာဃ လော ၊ သို့ တည်းမဟုတ် ....







သူကြီးသား ဖိုးစည် ဘ၀

မည်သည့် အရာတွင် မဆို အကောင်းနှင့် အဆိုး ဒွန်တွဲပါစမြဲပင်။

တဘက်သားကို သြဇာ ပါဝါ မပြတတ်သော ပကတိရိုးသားသည့် ဇော်အောင် ဖခင် ကို လူအများက ရပ်ကွက်လူကြီး ဆိုသည့်ရာထူးထက် ပုဂ္ဂိုလ် ကို ပိုမို ခင်မင်ကြသည်။

ထို့ ကြောင့် အမြဲလိုလို ရပ်ကွက်ရုံးမဖွင့်သေးသည့် နေ့ လည်ပိုင်း အချိန်ဆိုလျင် လည်း ထောက်ခံစာ လာယူသည့် သူများ ၊ ပြသနာ လာရောက်တိုင်ကြားသည့် သူများ နှင့် သူတို့ အိမ် ကလေးသည် စည်ကားနေတတ်သည်။

ဥက္ကဌကြီး ရယ် စဉ်းစားကြည့်ပါ ။ သူ လေ ကျွန်မ ပိုက်ဆံကို အကြွေးယူထားတာ ခြောက်လ ရှိပြီ ။ ခုထိ အတိုးအရင်း ပြန်မလာ သေးဘူး ။

ဥက္ကဌကြီး ရယ် အဲဒီ အကောင် ကို လေ အရေးယူပေးစမ်းပါ ။ ကျွန်တော့် သမီး အခန်း ထဲဝင်ပြီးတော့ . ခြင်ထောင် ကို လာ လှမ်း သွားတယ်။ ကျွန်တော် ရောက်မှ နောက်ဖေး ပေါက်က ထွက်ပြေးသွားတာ။

အိမ်နီးချင်း ဒါမျိုးလုပ်တာ ဘယ်ကောင်းမလဲ ဗျ။

အဆိုပါ တိုင်သံ တော် သံများ သည် တနေ့ တမျိုးမရိုးအောင် ကြားနေရသော ညနေခင်း တေးသံများ ဖြစ်လေသည်။

သူ ၏ အမေ ကတော့ ဒါမျိုး ပြသနာသည် တွေ အိမ်လာတာ သိပ်မကြိုက်ချင် ။ ရုံးကိစ္စ ရုံးမှာပဲ လုပ်စေချင်သည် ။

သူများ ပြသနာ များ အိမ်သို့ လာပါက .အိမ် ပူ သည် ဟု အယူရှိသည်။

သို့ သော် အဖေ့ ဘက်က ကြည့်လျှင်လည်း တစ်ရပ်ကွက်တည်းနေသော မျက်နှာသိများ ဖြစ်သည့်အတွက် အိမ်သို့ မလာရန် ငြင်းပယ် ရခက်နေပုံရသည်။ ထို့ကြောင့် ပြသနာပေါင်းသောင်းခြောက်ထောင်သည် အိမ်သို့ လာစမြဲ။

ထို အကြောင်းနှင့် ပတ်သက်ပြီး ဇော်အောင် အတွက် မကြိုက်ချင်သော်လည်း ရပ်ကွက် တွင်းမှ အတင်းအဖျင်း အဖြစ်အပျက်များကို စပ်စု ရသည့်အတွက် တမျိုးတဖုံးတော့ အရသာ ထူးလှသည။်

ထို့ ပြင် အလိုက်သိသော အချို့ သူများက မုန့် ပုံးကြီးများ ပေးလျှင်လည်း လက်မနှေးတတ်ပေ။

ရပ်ကွက်လူကြီး အဖေသည် တဘက်သားကို အမြဲလိုလို ကူညီတတ်သော်လည်း တခါတရံ စာအုပ်ကြီး ဆန်လှသည်။

ထို့ အတူ အား နာ တတ်သော စရိုက်ရှိသဖြင့် အမြဲလိုလို အပင်ပန်းခံကာ ကူညီ ရလေ့ရှိသည်။



မိုးထဲ ရေထဲမှာ ထီးတစ်ချောင်းနဲ့ . ရပ်ကွက် အလုပ် လုပ်ပြီး ပြန်လာသော ဇော်အောင့် အဖေ ကို အိမ်တွင် အမေ က မည်သည့် အခါကမျှ နွေးထွေးစွာ ဆီးကြိုလေ့ မရှိ ။ သူ သဘောမတွေ့ သောအလုပ်ကို လုပ်နေသဖြင့် အပြစ်ရှာချင်သော မျက်လုံးများဖြင့်သာ ကြည့်နေတတ်သည်။

ထို့ အတူ . အခြားသော ရပ်ကွက်များမှ ဥက္ကဌ ကတော် များ ၏ သတင်းကိုလည်း အမြဲ မပြတ်နားစွင့်လျက်ရှိသည်။

ဘယ်ရပ်ကွက် က . ဘယ်သူ ဆိုလျှင်ဖြင့် . ရပ်ကွက် ဥက္ကဌ လုပ်တာ သူ့ မိန်းမ ဆိုရင် စိန်တွေ မှ ညွှတ်နေတာပဲ ဟု မည်သူ က ချွန်တွန်း လိုက်မှန်းမသိသော စကားများကို လေသံဖမ်းပြီး တရားနာတတ်သည်။

ထို သို့ အိမ်ရှင်မ ဖြစ်သူ ၏ ငြူစူခြင်းမှ ဝေးပြီး နားအေးပါးအေး နေနိုင်ရင် တခုတည်းသော ထွက်ပေါက်ကိုတော့ ရှာရသည်။

၎င်း ထွက်ပေါက်ကို အဖေ က ရယ်စရာလုပ်ပြီး ပြောတတ်သည်ကား ..မင်းတို့  အမေ က. ဇာတ်မင်းသမီး မဟုတ်ပေမဲ့ ညတိုင်းတော့ . ညကြေး ပုံမှန် ရသည် ဟု ဆိုပြီး အမေ့ အား တပတ်တွင် တစ်ကြိမ် (သို့ ) နှစ်ကြိမ်ခန့် ညကြေး ဆက်သ ရလေတော့သည် ။ အဖေ ဆိုလိုသော . ပမာဏ မများလှသည့် ညကြေး ဆိုသည် ကို ဘယ်က ဘယ်လို ရလာသလဲ လို့ တော့ မေးခွန်းမထုတ်ချင်တော့ပေ။


((တပ်မှူးကြီးသည် တပ်သား တစ်ရာကို အုပ်ချုပ်သည် ။ တပ်မှူးကြီးကတော်သည် တပ်သား တစ်ရာ့တစ်ယောက်ကို အုပ်ချုပ်သည်။))



ရပ်ကွက် ထဲမှာ ဗျာ


ဇော်အောင် နေ့ စဉ် တနေ့ တမျိုး မရိုးအောင် သူ့ အဖေ ၏ ရပ်ကွက် ဗဟုသုတများကလည်း မှတ်သားဖွယ်ရာပင် ။

ငါ တို့အပိုင် က ရဲ စခန်းက ပြောတယ်ကွ။

ခင်ဗျားတို့ ရပ်ကွက် . လူသန့် တယ်။ ငွေ မသန့် ဘူး။

ကျွန်တော်တို့ ကြိုက်တာက. လူ မသန့် ပဲ . ငွေ သန့် တဲ့ နေရာတွေကို ပဲ ကြိုက်တာဟု ဆိုလေသည်။

သူတို့ပြောမည် ဆိုလည်းပြောချင်စရာ ။ သူ တို့ နေသော ရပ်ကွက်သည် ပင်စင်စား ကြီးများ ၊ ရာထူးဌာန ကြီးသော ပုဂ္ဂိုလ်ကြီးများ . အေးချမ်းစွာ နေကြသော ရပ်ကွက်ဖြစ်သည်။ ထို့အတွက် အမှူ့ အခင်းနည်းသလို ချဲထီ ရောင်းခြင်း ၊ အနှိပ်ခန်းဖွင့်ခြင်း ။ ဘောလုံးဒိုင် ကိုင်ခြင်း စသည့် ဥပဒေနှင့် ငြိစွန်းသော ကိစ္စများလည်း မရှိသလောက်ရှား၏ ။

ထို့ ကြောင့် . အောက်စိုက် မရှာနိုင်သဖြင့် လူသန့် တယ်။ ငွေ မသန့် ဘူး ဆိုသော စကား ထွက်ပေါ်လာရ၏။

ထို့ ပြင် ရပ်ကွက်အတွင်း မှ လူအများသည် ပညာတတ်ကြေးရတတ်များပီပီ အကူအညီလိုလျင် မျက်နှာလို မျက်နှာရ လာတတ်သော်လည်း ၄င်းတို့ မလို အပ်သော အချိန်တွင် အရောင်ပြောင်းတတ်ကြသည်။ ထို့ ထက်ဆိုးသည်က အကြွားပို တတ်သော လူများဖြစ်ကြောင့် သူ၏ ဖခင် က စိတ်အချဉ်ပေါက်တိုင်း

ငါ တို့  ရပ်ကွက် ထဲက လူတွေ ကလည်း ခက်တယ်ကွ။ ဆန်မရှိ စောက် စားကြီးချင်ကြတယ်။ စကား ပြောလိုက်ရင် လေတစ်လုံး မိုးတစ်လုံး နဲ့ ။

ဘယ် ဗိုလ်ချုပ် နဲ့ ဘယ်လို ရင်းနှီးတာ ။ ဘယ် ၀န်ကြီး ဆိုရင် ဘယ်တုန်းက ကျောင်းနေဘက် သူငယ်ချင်းပေါ့ နဲ့ ။ သူ တို့ အိမ်ရှေ့ ကျတော့ မှောင်ပြီး တော့ လမ်းကြီးတစ်လမ်းလုံး ကြည့်စမ်း ပါအုံး ။ မီးလေးတစ်လုံးတောင် လင်း အောင် မလုပ်နိုင်ကြဘူး ။

အခြားလမ်းများကဲ့သို့ မီးမလင်းသော သူတို့လမ်းသည် အစဉ် သဖြင့် မှောင်မိုက်ခြင်းကသာ ကြီးစိုးနေသည်။
လမ်းထဲတွင် မီး လင်းရေး .. ထို အလုပ်သည် ဘယ်သူ့ အလုပ်ဖြစ်သနည်း ။

ရပ်ကွက် ဥက္ကဌ အလုပ်လား ၊ အီးဘီစီ အလုပ်လား ၊ ရပ်ကွက်တွင်း နေထိုင်ကြသည့် လူဖိုးကြွား များ အလုပ် လား ဆိုသည်ကို တော့ ဇော်အောင် ဥာဏ်မမှီ ပေ ။ သေချာသည်ကတော့ သူ နေသော လမ်းသည် လ ပြည့်ည များတွင်သာ လူရိပ် ကို ခပ်ပြပြမြင်တွေ့ ရပေသည်။



(ရပ်ကွက် ထဲမှာ ဒီလိုပဲ ရှိတယ်။ ကျွန်တော်တို့ ရပ်ကွက် ထဲမှာ ဒီလို ပဲ )



စေတနာရှင်ကြီးများ

လမ်းထိပ် တွင် တော့ လက်ဖက်ရည်ဆိုင် . မုန့် ဆိုင် လေးများ ကတော့ အနည်းငယ်စီ ရှိကြသည်။

တခါတရံ သူ၏ အဖေဖြစ်သူ နှင့် အတူ လက်ဖက်ရည်ဆိုင် ထိုင်လျှင် . ဆိုင်ရှင်မှ အားနာပြီး ပိုက်ဆံ ယူလေ့မရှိပေ။

ဥက္ကဌကြီးကလည်း အမြဲလိုလို ငွေရှင်း ခါနီးဆိုလျှင် . စားပွဲထိုး နှင့် စကားမပြောပဲ . ကောင်တာမှ ဆိုင်ပိုင်ရှင်နှင့် တိုက်ရိုက်ပြောလေ့ရှိသည် ကို သတိထားမိသည်။

ဟော့.. ကို မြင့်ထွန်း ရေ… နေကောင်းတယ် နော်။ ကျွန်တော် တို့ ဝိုင်းလေး ရှင်းမယ် ဗျ ။ ဘယ်လောက်ကျ သလဲ ။

အော်.. ဥက္ကဌကြီး တို့ ပါလား ။ ရပါတယ် ဗျာ ။ ဒီလူ နဲ့ ဒီလူ ပဲ . ။

ထိုသို့ ဆိုလျှင် ဇော်အောင့်ဘက် ကလည်း မချိတင်ကဲ

အင်း .. .ဒီလိုမှန်းသိရင် ဆမူဆာ တစ်ခု လောက်ထပ်နှိုက်လိုက်ပါတယ် ကွာ။

ဒါနပြုသော ဆိုင်ပိုင်ရှင်ကြီးက သဒ္ဒါ တရားမည်ရွေ့ မည်မျှရှိသည်ကိုကား စဉ်းစားရန်မလိုပေ။

သိကြားမင်း ဦးမာဃ တောင် နောက်ဘ၀မှ အကျိုးပေးတာ ငါ့ အဖေ .. ဥက္ကဌကြီး ကတော့ ချက်ချင်းလက်ငင်းပါပဲလား ဟု သူ က သူ ၏ ဖခင်ကို ကြည့်ကာ ၀င့်ကြွားဖူးသည်။

ထို့ ကြောင့် ဥက္ကဌ ကတော် ဖြစ်သူ ၄င်း၏ မိခင် ဆိုလျှင် ရပ်ကွက် တွင်းမှ လက်ဖက်ရည်ဆိုင်များကို လင်ယောက်ျားနှင့် အတူ ထိုင်လေ့မရှိပေ။



ပတ်ဝန်းကျင်ရဲ့ မျက်လုံးတွေ

အစ ပထမတွင် ဖခင် ၏ အလုပ်ကို ၀င်ရောက်စွက်ဖက်ခြင်းမရှိသော်လည်း အိမ်တွင်းပြသနာတို့ ၏ မြစ်ဖျားခံရာ အစပထမသည် ဤ ကိစ္စမှ သာ စတင်လေသည်။

ချီတက်ပွဲ ၊ ထောက်ခံပွဲ . ဧည့်စစ် ယာဉ်စစ် ၊ စသည်တို့ သည် ဇရာထောင်းလာသော သူ၏ဖခင် ကို ပိုမို ပင်ပန်းစေသည်။

ထို အရာများ အားလုံးထက် သာ၍ ဆုိုးဝါးလှသည် က ဇော်အောင် တို့ အပေါ်တွင် လူ တွေ ရဲ့ အကြည့် မျက်လုံးများက ပြောင်းလဲ သွားကြသည်။

လက်ဖက်ရည်ဆိုင် စားပွဲထိုးများ သည် ၄င်းတို့ သားအဖ လာလျှင် ပြုံးစိစိ နှင့် အလှူအိမ်တွင် လိုက်စားနေသော ဖိုးပါကြီး တို့ သားအဖ လာနေပြီ ဟု နောက်ပြောင်ချင်ကြသည်။

မင်း အဖေ ဘာလုပ် သလဲ ဟုမေးလျှင် ရပ်ကွက် ဥက္ကဌကြီး ဟု ပြောရမည်မှာ တွေဝေ လာသည်။

လူအများကြားထဲတွင် ဤ ရာထူး ဤ အလုပ်ကြီးကို ထုတ်ပြောရမှာ ရှက်ရွံ့ လာသည်။

လူတွေကလည်း ခက်သည်။ ရ.ယ.က ဥက္ကဌ ဟုဆိုလိုက်လျှင် ပြည်သူ့ ဘဏ္ဍာများကို မျက်စောင်းထုိးနေကြသူ ။ အောက်စိုက်ရှာကာ သြဇာ ပါဝါ ပြတတ်သူ ဟု အထင်ရောက်နေကြသည်။ ရွှတ်နောက်နောက် သဘောဖြင့် စ. နောက် ဖို့သာ ၀ါသနာပါတတ်ကြသည်။

သူတို့ ပြောသလို မဟုတ်ဘူးလား ဟေ့ ..ဆိုလျှင် တော့ . ဟုတ်သင့်သလောက် ဟုတ်နေပြန်သည်။

( မှတ်ချက် ၊၊ ၊၊ သမာ သမတ် ကျစွာ အုပ်ချုပ်နေသော ရပ်မိ ရပ်ဖ များ ၊ ရပ်ကွက်လူကြီးများကို မဆိုလိုကြောင်း လိပ်ပြာသန့် သူတို့ က သတိချပ် မိပေလိမ့်မည်။ သို့ သော် လက်ရှိ ဖြစ်ပေါ်နေသော ခေတ် စံနစ်များ ကြောင့် . ရ.ယ.က ဆိုလျှင် အများစု က နှာခေါင်းရှံ့ ချင်ကြမည်သာ ။ )


မည်သို့ ပင် ဆိုစေ သူသည် သူကြီးသားဖိုးစည် ဘ၀ကို စိတ်ကုန် လာသည်။ အဖေ့ကိုလည်း ဒီ အလုပ်ကြီးကို ဆက်မလုပ်ဖို့ဖျောင်းဖျနားချ ရတော့သည် ။

အဖေ သည်လည်း ဒီ အလုပ်သည် အိမ်တွင်းပြသနာ တို့ ၏ စနက်တံ ဖြစ်ပြီး ပင်ပန်း စ်ိတ်ရှုပ် လွန်းအားကြီးသဖြင့် အတော့်ကို စိတ်ပျက်လျက်ရှိသည်။

ရ.ယ.က ဥက္ကဌ သက်တမ်း ၃ နှစ်ကျော်တွင် ဇော်အောင် အကြားချင်ဆုံး သတင်းတစ်ခု ကြားလိုက်ရတော့သည်။

အဖေ ၏ ရပ်ကွက် ဥက္ကဌရာထူး ကို အခြားသူတစ်ဦးထံသို့ လွဲပြောင်းပေးရမည် ဟုဆိုလေသည်။

ရှင်လိင်ပြန်သော နေ့ ၊ ဆယ်တန်းအောင်သောနေ ၊.ချစ်သူထံမှ အဖြေ ပြန်ရသောနေ့ တို့ ထက် . ဖခင် ဖြစ်သူ ဒီ အလုပ်ကြီး မလုပ်ရတော့ဘူး ဟု သိရသော နေ့ သည် သူ့ ဘ၀ ၏ အပျော်ဆုံးနေ့ တစ်နေ့ ဖြစ်သည် ။




ဇော်အောင့်  ၏ ဖခင်ကြီး ဥက္ကဌ ရာထူးမှ အနားယူပြီးသည့်နောက်တွင် သူတို့ မိသားစုသည် အပျော်ကြီးပျော်လျက်ရှိသည် ။ ဖခင်သည် အသက်အရွယ် အရ ဘာသာရေးဘက်တွင်ပိုမို အချိန်ပေးလာသလို မိသားစု နှင့်လည်း ဆက်ဆံရေးပိုမို နွေးထွေးလာသည်။ ကိုယ်ပိုင် လုပ်ငန်းများကိုလည်း ပိုမို အချိန်ပေး လုပ်လာနိုင်သဖြင့် ချစ်ဇနီး က စေတနာ ပို လာသည်။









သင်္ကြန်မိုး ရဲ့ ဒိုင်ယာလော့

ဇော်အောင် အကြိုက်ဆုံး ရုပ်ရှင်ဖြစ်သည့် သင်္ကြန်မိုး ရုပ်ရှင်ကြီးကို ပြန်ကြည့်မိသည်။

အကြိုက်ဆုံးအခန်း သည် (စန္ဒရားကိုငြိမ်းမောင်) နေအောင် မှ သူ့ သားဖြစ်သူ (ပိုက်ထွေး) ဇင်ဝိုင်းကို သင်္ကြန်တွင် မလည် ရ ၊ စန္ဒရား မတီးရဟူသော အမိန့် ထုတ်လိုက်သဖြင့် ဇင်ဝိုင်းမှ စိတ်ညစ်ညစ်ဖြင့် အရက်သောက်ခန်းဖြစ်သည် ။ ထိုအချိန်တွင် နေအောင်ရောက်လာပြီး ပြသနာဖြစ်ကြရာမှ . ဇင်ဝိုင်းကပြန်ပြောလိုက်သည်တွင် .

အရက်သမား သား . အရက်သမားဖြစ်တာ မဆန်းပါဘူးဖေဖေ။

အနုပညာ သမားရဲ့ သား . အနုပညာ ပြခွင့်မရတာသာ ဆန်းတာပါ ။



ထို ဒိုင်ယာလော့ သည် ဇော်အောင့် ရင်ထဲတွင် စွဲကျန်ရစ်စေသည်။



ဂယောက်ဂယက် ဆောင်း အိပ်မက်

လွန်ခဲ့သော ဆောင်းတစ်ည ၀ယ် . ဇော်အောင် သည် ထူးဆန်းပြီး အမြီးအမှောင့် မတည့်သော အိပ်မက် များကို တစ်ခုပြီး တစ်ခု မက်လေသည်။

ယုတ္တိမတန် ၊ မဖြစ်နိုင်သည်များလည်း ပါသလို ၊ ဖြစ်ချင်သည်များကို လည်း မက်သည်။ ဤသည် က အိပ်မက် ၏ သဘောပင်တည်း ။

ညဦးပိုင်းတွင် မက်သော အိပ်မက်ထဲတွင် . ဇော်အောင်နှင့် အင်ဂျလီနာ ဂျိုလီတို့  သေနတ်များ တဒိုင်းဒိုင်းနှင့် ပစ်နေကြသည် ။ ထို့ နောက် . Air Force One လေယဉ်ကြီးပေါ်သို့ ရောက်သွားကာ လူဆိုးတွေနှင့် ထိုးကြိတ်သတ်ပုတ်ကြသည်။ နောက်ဆုံးတွင် . ကိုးရီးယားမင်းသမီးလေး အွန်စောကို ကုန်းပိုး ပိုးလျက် လယ်ကန်သင်းရိုးတလျှောက် လမ်းလျှောက်ကြရာတွင် . ကျွဲနက်ကြီးက လိုက်ဝှေ့ သဖြင့် ကောင်မလေးကို ပစ်ချကာ ကိုယ်လွတ်ရုန်းပြေးလေတော့သည်။

ရုတ်တရက်လန့် နိုးလာသော သူ သည် ရေအေးအေးတစ်ခွက်ကိုသောက်လိုက်သည်။ ရွဲဆိုနေသော ချွေးများကို သုတ်လိုက်ပြီး . နောက်တဖန်ပြန်အိပ်နိုင်ရန်ကြိုးစားလေသည်။

ဒုတိယံမိ အိပ်မက် ထပ်မက်ပြန်သည်။ သို့ သော် ပထမ အခေါက်ထက် ပို၍ ထူးဆန်းသည်။

ရွာ သူကြီး ရွေးပွဲ

မည်သည့် ဌာနေ မှန်းမသိနိုင်သော တောင်ခြေရှိ ရွာကလေးတစ်ရွာသို့ ရောက်သွားသည်။

ထိုရွာတွင် ရွာ သူကြီး ရွေးပွဲ ကျင်းပနေသည် ဟု ဆိုသည်။

ရွာသူကြီး ရွေးပွဲ တွင် ရွာရှိ လူအကုန် လုံးမှ ၀င်ရောက်မဲ ပေး ကြရသော ထူးဆန်းသည့်အလေ့ဖြစ်သည်။

့ရုပ်ကြမ်းကြီးနဲ့ . နွဲ့ ပြမယ်

ထို စဉ် မာစီးဒီး ကားအနက်ကြီး တစ်စင်း ရွာလယ်သို့ ဒရကျြမ်း မောင်းဝင်လာသည်သည်။ ဖုန်များ ထောင်းခနဲ ထသွားပြီနောက် ကားပေါ်မှ . လူထွားကြီးတစ်ဦး ဆင်းလာသည်။ သူ့ ပုံစံသည် နောက်လိုက် အခြွေ အရံ များနှင့် ရှင်ဘုရင်ကြီးတစ်ဦး တိုင်းခန်းလှည့်လည် သည့် အသွင် ။

ရွာရှိလူများက လည်း အံ့သြမင်သက်စွာ ကြည့်နေကြသည်။ ထိုသူ့ ကို မြင်ဖူးသလိုလို ကြည့်နေရာမှ ရွာသူမိန်းမပျိုလေးက .

ဟယ်…အာနိုးကြီးပါလား . ဆံပင်တွေတောင်ရှည်ပြီး မှတ်တောင်မမှတ်မိတော့ဘူး။

ဟုတ်ပါသည်။ ရုပ်ရှင်ထဲတွင် အက်ရှင်မင်းသားကြီးသည် ယခုတော့ ဆံပင်တွေကရှည် မုတ်ဆိတ်မွှေးတွေက မရိတ်ထားသဖြင့် တကယ့် တိရစ္ဆာန် ခြင်္သေ့ကြီးတစ်ကောင်အလား ။

ထို သူက ရွာခံပရိသတ်ကြီးကို မင်္ဂလာပါ ဟု ဂါရ၀ပြုပြီး သူ့ ဘာသာမိတ်ဆက်လေသည်။

၎င်းနောက် သူ ၏ ဖုထစ်မို့ မောက်လှသော ရင်အုပ်ကြီးကို ကားစွင့်လျက် ဟန်ပါပါ ခါးထောက်လိုက်ပြီး ။

ကျွန်တော်ကတော့ Hollywood က အာနိုး ပါ။ အခု မြန်မာပြည်ကို လာပြီး (Golden Lion company) ရွှေခြင်္သေ့ ကုမ္ပဏီ ဖွင့်ထားပါတယ်.

အခုတော့ ကျွန်တော့် ရဲ့ ဇာတိရွာကလေးကိုပြန်လာပြီး ရွာသူကြီး ရွေးပွဲ မှာ ၀င်ရောက်အရွေးခံတာပါ။

ကျွန်တော်သာ ရွာသူကြီး ဖြစ်ရင် ဟောဒီ ရွာကလေးကို စည်ကားအောင်လုပ်ပေးပါ့မယ်။

လမ်းဖောက်ပေးမယ်ဗျာ ။ တံတားဆောက်ပေးမယ် ဗျာ။ အ၀ိစီ တွင်းလေးတွေတူးပေးမယ်ဗျာ.

ကဲ.လို ချင်တာပြော .ဖြစ်ချင်တာပြော . လုပ်ပေးအုံးမှာ . မရ.မရှိ..မဖြစ်မရှိ စေရ။

ကိုယ့် ဇာတိဆိုတော့ လေ..အရမ်းကို လုပ်ပေးချင်တာတာပါ.

တကယ်ပါ. ကျွန်တော့်ကို သာ မဲ လေးတွေ ထည့်ပေးကြပါနော် ဟု မစားရ ၀ခမန်း . မဲ ရလို ဇောဖြင့် . အမဘန္တေခံသွားလေသည်။

ရွာသူ ရွာသားများကလည်း ဟာ ခနဲ ဟင်ခနဲ အာမေဋိတ်သံများ ကျယ်ကျယ်လောင်လောင်ထွက်လာသည်။

အမလေးတော်..ကြား.ကြားဖူးပေါင်..မွေးကတည်းက.ရွာကို စွန့် ပြီး တနယ်တကျေးမှာ ကောင်းစား နေပြီးတော့ ရွာကို မေ့ ချင်တိုင်း မေ့ ထားတဲ့လူကများ . အခုမှ သူကြီး ရာထူး လည်း ရွေး ရော အမောတကော ပြေးလာပြီး လမ်းဖောက်ချင်ရတာနဲ့ .တံတားဆောက်ချင်ရတာနဲ့  ရပ်ရွာအကျိုး သယ်ပိုးမယ်ပေါ့လေ။

ရွာအတွက် . အ၀ီစီတွင်း မပြောနဲ့ . သောက်ရေချမ်းစင် ဖို့.ရေအိုးလေး တစ်လုံးတောင် လှူ ဖူးရဲ့ လား ။

အခုမှ လာပြီးတော့ ဗူးသီးမှ အရီးမတော်နဲ့ တော်ရေ့ . ဘာ မဲ မှ မပေးနိုင် ဟု ကျယ်လောင်စွာ ပြစ်တင်ရှံ့ ချကြသည်။

နွားပွဲစား ပုံစံ အညာသား ကိုလူလည်

ထို့ နောက် သိပ်မကြာခင်တွင် . ထော်လာဂျီကလေး ဖွတ်ချက် ဖွတ်ချက် ဖြင့် အရပ်ခပ်မြင့်မြင့် အသားမည်းမည်း အညာသား ရုပ်နှင့် လူတစ်ဦးထပ်ရောက်လာသည်။

သူ ကလည်း နွားပွဲစား စတိုင် ဖြင့် ပါးစပ်ကြီး ဖြီးကာ သွား ၃၂ ချောင်းစလုံးပေါ်အောင် ပြုံးရင် အားလုံးကို ခေါင်းညိတ်ပြသည်။

ဟင်… အိုဘားမား ပါလား … ရင်ဘတ်မှာတွင်လည်း အောင်သပြေခက် လည်းမဟုတ် နှင်းဆီပန်းလည်းမဟုတ်သော စပါးနှံ ခက်လေးတွေ ထုိးထားပါလား. ဘာအဓိပ္ပာယ်ပါလိမ့်။

ဟုတ်ပါသည်.. သူ့ နာမည် အိုဘားမား ဟုခေါ်ပါသည်. အမေရိကားတွင် ရာထူးကြီး ကြီး ဂွင် ကောင်းကောင်း ရှိထားသူဖြစ်သည်။

ကလေး ငယ်များကလည်း ဘုမသိဘမသိဖြင့် ထို အသားမဲမဲ နှင့်လူကြီးကို ပြူးပြဲကြည့်ကာ .

ဂျီးတော်ကြီး ရေ . ..မဲ ပေးတယ်ဆိုတာ..အဲဒီ အသားမည်းမည်းနဲ့ လူကို အမဲသားဟင် တွေ ပေးတာလားဟင် ဟု ထင်ရာမြင်ရာ မေးလေတော့သည်။

အညားသားရုပ်နှင့် အဆိုပါ ပုဂ္ဂိုလ်က စကားလေပြာလျှင် လက်ညှိုးလေးကို ထောင်ကာ ထောင်ကာ Change ဆိုသည့် စကားကို ဆယ်ခွန်းထက်မနည်း ပြော လေသည်။

သူက ဆက်လက်ပြီး ကျွန်တော်ကတော့ . ဒီ ရွာမှာ မွေး တဲ့ ဒီက ရွာသား စစ်စစ်ဖြစ်ပါတယ်။ အခု ဟောဒီ ရွာက တောင်သူလယ်သမားတွေ ကို ရည်စူးပြီးတော့ စပါးနှံလေးတွေကို အကျီ င်္မှာထိုးထားတာပါ။

ဒီ ရွာကို ကျွန်တော်က Change လုပ်ပစ်မယ် ဗျာ ။ ပြောင်းလဲ တိုးတက်သွားအောင် ပေါ့လေ။

ကျွန်တော်သာ ရွာသူကြီးဖြစ်လို့ ကတော့ ရပ်ရွာအကျိုးအတွက် အားသွန်ခွန်စိုက် စိတ်ရောကိုယ်ပါ နှစ်မြုပ် ပြီး ဟောဒီ ရွာကလေး ဖွံ့ ဖြိုးအောင် တဆုံး လုပ်ပါ့မယ် . တဆုံး ကို လုပ် ပါ့မယ် ဗျာ။

ကျွန်တော့်ကို သာ မဲ ပေး ဖို့ မမေ့ ကြပါနဲ့ နော်.

သူ မဲဆွယ်စကားပြောပြီးနောက် ရွာခံလူများက စီ ခနဲ ဖြစ်သွားသည်။ လွန်စွာကောင်းသည့် ပြက်လုံးတစ်ခု ကိုကြားလိုက်ရသည့်နှယ် ဟား..ခနဲ ဖြစ်သွားကြသည်။

ဘာ.ပြောတယ်ကွ . တဆုံးလုပ် ပါ့  မယ် .ဟုတ်လား ။ ဒီမှာဟော့ မင်းတို့ အကြောင်းသိပြီးသား

.မင်းတို့က.တဆုံးညာ မယ့် ကောင်တွေ ပဲ..တဆုံးညာ.တွေ . တဆုံးညာ တွေ ကွ



ထိုစဉ် ဗိုက်ရွဲရွဲ နှင့် ၀၀ ဖိုင့်ဖိုင့် လူကြီး တစ်ဦးကလည်း စင်ပေါ်မှ သူ့ ကိုကြည့်ပြီး

ဒီကောင်ကတော့ . လေ ပါပဲ ။ သူ့ အဖေ လက်ထက်တုန်းကလည်း ဒီလိုပဲ မဖြစ်နိုင်တာတွေ ကိုလျှောက်ပြောပြီး ငါ တို့ ရွာကို မွဲပြာကျအောင် အုပ်ချုပ်သွားတယ်...ဘာတဲ့ ပြောလိုက်တာ မှတ်မိပါသေးတယ်..လူတစ်ကိုယ်.တိုက်တစ်လုံး . ကားတစ်စီး . ငွေ ဆယ်သိန်း တဲ့ …

အခု.. ဒီကောင်ရော.ဘာတွေ ကတိပေးအုံးမှာလဲ ။ ဟော့ကောင် ရေ. ပြောအုံးလေကွာ.မင်း အဖေ လို မျိုး .

ငါ့ အတွက်ကတော့ လူတစ်ကိုယ်.တိုက်တစ်လုံး . ကားတစ်စီး . ငွေ ဆယ်သိန်း . မယားငယ် လေး တစ်ယောက် တော့ အဆစ်ထည့်ပေးနော်.။

ရွာခံ လူဝ ကြီး၏ ပွဲကျလှသော ထောက်ကွက် ကြောင့် ရွာသားများက တ၀ါးဝါး တဟားဟားနှင့် ပတ်တုပ်၍မရအောင်ပင် ရှိတော့သည်. စပါးနှံ နှစ်ခက်နှင့် သူလည်း ခေါင်းငိုက်စိုက်ကျကာ ထွက်ခွာသွားတော့သည်။

လာပါပြီ ခင်ဗျာ့  ကျွန်တော် ကျွန်တော်

နောက်ဆုံး ၀င်ရောက်လာသသည် နွားလှည်းကြီးကို တအိအိစီးကာ တည်ငြိမ်စွာဝင်ရောက်လာသည်

ထိုသူသည် ကျွန်တော်တို့ ဇာတ်လိုက်ကျော်ကြီး ဇော်အောင် ဖြစ်ကြောင်း အထူးပြောရန်မလိုတော့ပေ။

ဇော်အောင်သည် သီးလေးသီး အငြိမ့် ထဲမှ . မစ္စတာ ဂန်ဖလား ၏ စတိုင် ဖြင့် ရွာခံပရိတ်သတ်ကြီးကို လက်နှစ်ဘက် စလုံးမြှောက်ကာ ဝှေ့ ယမ်း နှူတ်ဆက်လိုက်သည်။



နေ့ လည်ပိုင်းဖြစ်သဖြင့် နေသည် ကျဲကျဲတောက်ပူသဖြင့် ခမောက် တစ်လုံးကို ဆောင်းထားလေသည်။

ပင်နီ တိုက်ပုံကို အချိုးကျစွာဝတ်ရင်း ချည်ကြမ်းလုံကြမ်ဖြင့် အာပေါင်အာရင်းသန်သန် ပြောနေပုံသည် အိပ်မက်မဟုတ်ပဲ တကယ့်လက်တွေ့ ဆိုလျှင် အတော့်ကိုအကျိုးရှိလှပေမည်။

သူ၏ အသွင်အပြင်သည် ရွာသားများနှင့် မခြား ၊ တသားတည်း ဖြစ်နေလေတော့သည်။

ရွာသားနှစ်ဦးက စင်ပေါ်ကို ကြည့်ရင်. အချင်းချင်းလက်တို့ ပြောနေကြသည်။

သူ့  ကို ရော ငါ တို့ က .ယုံလို့ ဖြစ်ပါ့မလား။ ဟို လွန်ခဲ့တဲ့ အနှစ် ၂၀ လောက်တုန်းကလည်း သူ တို့ အဖွဲ့ ထဲက လူကို ပဲ မဲပေးကြတာပဲ ။ ဒါပေမယ့် . သူ တို့ လည်း ရွာသူကြီး မဖြစ် ။ ငါ တို့ ဘ၀ တွေလည်း ဒုံရင်းက ဒုံရင်းပဲ ။

အခု တခါ ထပ်လာကြပြန်ပြီ ။ ဒီ ခမောက်လေးတေဆောင်းပြီးတော့ ။ ဒီတခါရော သေချာပါ့မလား။

ဘေးတွင် ထိုင်နေသော ရွာသား ကလည်း . မင်းကလည်း ကွာ. ဒီပွဲမှာ သူတို့ ကို မှ မရွေးရင်လဲ.ကျန်တဲ့ နှစ်ယောက် က ကိုသာဆိုးကြီး တွေလေ ။ ဒီတော့ ဟုတ်သော်ရှိ မဟုတ်သော်ရှိ သူ တို့ ပဲပေါ့ကွာ။

အားလုံးက ထို အဆိုကို ထောက်ခံကြသည်။ ရွာသားများကလည်း တညီတညွတ်တည်း သဘောတူကြလေသည်။



မဲပေးပွဲ စတင်ပါပြီ

သတ်မှတ်ထားသော . လျှို့ ဝှက် မဲ ပုံးထဲသို့ ထည့်ရန် ရွာခံလူများက တန်းစီကြရသည်။

ခမောက်နှင့် လူ၏ ဘက် အခြမ်းတွင် သိသိသာသာ ပင် လူတွေ ပို လျှံနေသည်။

အညာသားရုပ်နှင့် လူကြီးကတော့ ကြက်ကြီးလည်လိမ်ထားသလို ပင် ။သူ၏ ရင်ဘတ်မှ စပါးနှံများက အောက်သို့ ငိုက် ကျနေသည့် အလား ဦးခေါင်းကြီးကို အောက်သို့ ငိုက်လျက် တွေတွေ ကြီးဖြစ်လျက်။

သို့ သော် ခြသေံင့်္ကြီးတစ်ကောင်နှယ် ဆောင့်ကြောင့် ထိုင်ကာ ကြည့်နေသော ဆံပင် စုပ်ဖွားနှင့်လူထွားကြီး ကတော့ အပြုံမပျက် ။ သူ့ လက်ထဲတွင် ၀ှက် ဖဲ တစ်ချပ် ရှိပုံရသည်။ သူဘာတွေ များ အကြံထုတ်နေပါလိမ့် ။



ရွာရှိလူများ မဲ ပေးပြီးသောအခါ ရွာ၏ ရပ်မိ ရပ်ဖ လူကြီးများ ထွက်လာကြသည်။

ကဲကဲ.ပေးထားတဲ့..မဲစာရင်းကို ကြည့် မယ်။ ဘယ်သူ က..ရွာသူကြီး ဖြစ်မလဲ ဆိုတာ.ကြေငြာမယ်ဟော့..ဟုဆိုကာမဲပုံးများကို ကာရံထားသော ကတီပါ လိုက်ကာ ကြီးများကို ဆွဲ မလိုက်ကြသည်။

ရွာသားများ အားလုံးသည် စိတ်လှုပ်ရှားစွာ မဲ ပုံများ ဆီသို့ ကြည့်လိုက်သည်။

ထို့ နောက် အံ့သြ မင်သက်ခြင်း ၊ မယုံကြည်နိုင်ခြင်းစသည့် မျက်လုံးများ ဖြင့် မဲရလဒ် များကို ကြည့်လိုက်မိသည်။

အားလုံးသော ရွာသူရွာသား များသည်း ဟာ…ဟင်…အိုး..ဘယ်လို ဖြစ်ပါလိမ့်. ဟူသော အာမေဋိတ်သံများ အသီးသီးပေါ်ထွက်လာသည်။

ဟုတ်ပါသည်….ခမောက်ဆောင်းထားသည့် လူ၏ မဲပုံလေးထဲတွင် စက္ကူမဲလိပ်ကလေး နှစ်ခု သုံးခု သာ ရှိပြီး ရွှေခြင်္သေ့ ကုမ္ပဏီပိုင်ရှင် ကြီး၏ မဲပုံးထဲတွင်..မဲ စက္ကူများက အပြည့်အလျှံ ။ ကျန်သည့် ပုံးအလွတ်ထဲတွင်တော့ လေတိုက်၍ လွင့်လာသော စပါးခွံ လေး နှစ်ခွံ သာ ရှိပြီး ဆန္ဒမဲကတော့ ဗလာနတ္တိ။

ဇော်အောင်သည် မည်သို့ မည်ပုံဖြစ်သွားသည်ကို နားမလည်နိုင်အောင်ရှိလှသည်။

အားလုံးနီးပါးသော ရွာခံလူများက သူ၏ မဲပုံးဆီသို့ သာ ဦးတည်သွားကြသော်လည်း နောက်ဆုံးပေါ်ထွက်လာသော ရလဒ် သည်ကား လူထွား လူညစ် ကြီး ကသာ သိမ်းကြုံး ယူသွားလေတော့သည်။

မှန်းချက်နှင့် နှမ်းထွက် မကိုက် ဖြစ်ခဲ့သော ဤ ပွဲကို အတော့်ကို စိတ်ကုန်လျက်ရှိသည်။

ယိုင်နဲ့ သော ခြေလှမ်း တို့ ဖြင့် မည်သူ့ ကိုမျှ စကားပြန်မပြောနိုင်တော့ပဲ မဲရုံမှ ထွက်ခွာမည်အပြု မဲပုံးများထားရာစားပွဲနှင့် မလှမ်းမကမ်းတွင် ဥရောပသားတစ်ယောက် ကောက်ရိုးပုံကို မှီ လျက် ဆေးလိပ်သောက်နေသည် ကိုဖျတ်ခနဲ တွေ့ လိုက်ရသည်။

အသေအချာကြည့်သော်အခါ. ရွှေခြင်္သေ့မင်း ကုမ္ပဏီ တံဆိပ် အကျီ င်္ဝတ်ထားသော ကမ္ဘာကျော်မျက်လှည့် ပညာရှင်ဒေးဗစ်ကော်ပါဖီး ပင် ဖြစ်လေတော့သည်။ မည်သည့်အတွက် ကြောင့် ရောက်ရှိနေမှန်း ကို ချက်ဆိုလျင် နားခွက်က မီးတောက် လာသည်။ ဒေါသအလျံလျံ ထွက်သော မျက်လုံးတို့ ဖြင့် ထိုသူ့ အနားသို့ ကပ်သွားစဉ် . အဆိုပါ မျက်လှည့်ဆရာလေးက . ဟပ်ချလောင်း ဟု အော်ကာ မီးခိုးဖြူငွေ့ များထွက်လာပြီး လက်ထဲတွင် ပိုးဖဲစ အနီလေးပေါ်ထွက်လာသည်။

ထို့ နောက် အဆိုပါ ပိုးစ လေးကို ဇော်အောင့်အား ကမ်းပေးလိုက်ပြီး သူကတော့ လျင်မြန်သည့် အဟုန်ဖြင့် ပျေက်ကွယ်သွားသည် ။ ထို ..အနီတောက်တောက် ပိုးစလေးတွင် ရွှေရောင်စာလုံးများဖြင့် ရေးထားသည်မှာ -

Justice is silent in the midst of Arms . ( အမှန်တရားတို့ သည် သေနတ်ပြောင်းဝတွင် တိတ်ဆိတ်နေသည်)



စိတ်ပျက်အားငယ်ခြင်း များနှင့် တယောက်တည်း ငိုင်နေလျက်ရှိနေစဉ် အနောက်မှနေ၍ ပခုံတစ်ဘက်ကို ဆုပ်ကိုင် ကာ အားပေးနှစ်သိမ့်သူမှာ.ဇော်အောင့် ဖခင် ပင်ဖြစ်သည်။

စိတ်မပျက်ပါနဲ့ ကွာ..ဒါမျိုး ဆိုတာ ဖြစ်တတ်ပါတယ်.

ဒီလို ဖြစ်မယ် ဆိုတာ..အဖေ.လည်း ကြိုတင်တွက်ဆ.ထားပြီးသားပါ..

ထားလိုက်ပါကွယ် . ဒီ အလုပ်တွေ ဆိုတာ မင်း အမေ ပြောသလို ဝေလေလေ တွေ ပါ ။ ကိုယ့် စီးပွား ကိုယ့်အလုပ်ကိုပဲ ခေါင်းထဲ ထည့်စမ်းပါ ။

ဒီ တစ်ခေါက် မနိုင်တော့လည်း..အချိန်တွေရှိပါသေးတယ်..နောက်တစ်ခေါက်ပေါ့..ဟု အားပေးရှာသည်

ဟင်..နောက်တစ်ခေါက်.ဟုတ်လား.ဖေဖေ..

နောက်တခါဆိုရင် ကျွန်တော်.ကျွန်တော် . ..စကားမဆုံးခင်မှာပဲ .သူ ကဖြတ်ပြောလိုက်သည်။

နောက်တခါ ဆိုလည်း.ဒီ အတိုင်းပါပဲ ငါ့ သားရယ်. ဟား ဟား ဟုကျယ်လောင်စွာရယ်လေသည်။


လူသားတို့ သည် လောကဓံကို ဒိုင်းနှစ်ဘက်ဖြင့် ကာကွယ်တတ်ကြသည်။ ပထမဒိုင်းသည် ယုံကြည်ရာ ဘာသာတရား ၏ အဆုံးအမ ဖြင့် ဖြေသိမ့်ခြင်း . ဒုတိယဒိုင်းသည် . ဇ၀နဥာဏ် ရွှင်ရွှင်ဖြင့် ဖန်တီးထားသော ဟာသ ။
သားဖြစ်သူ စိတ်ဓာတ်ကျနေချိန်တွင် ဖခင်ဖြစ်သူ သည်ရယ်စရာ ဟာသလေးများဖြင့် စိတ်ထွက်ပေါက်ရအောင် ပြုလုပ်ပေးတတ်သည်။ ဖခင်နှင့်အတူ လိုက် ရယ်မော လိုက်ရသဖြင့် ဇော်အောင့် ရင်ထဲတွင်လည်း တည်းကြပ်မနေတော့ ပေ။

ထို့ နောက် တဖန်သူကလည်း ဖခင်ဖြစ်သူ ကို ပြန်လည် ၍ ပင် နောက်ပြောင်လိုက်သေးသည်။ သူ သိပ်ကြိုက်သော ဒိုင်ယလော့ လေး တစ်ခု ..



ဝေလေလေ သား..ဝေလေလေ ဖြစ်တာ မဆန်းပါဘူး ဖေဖေ.

ဥက္ကဌ သား..က. ဥက္ကဌ မဖြစ်တာသာ ဆန်းတာပါ…



သူ ၏ စကားအဆုံးတွင် .ဖခင်ကြီးက . ဘာကွ .. ဟု မချိ ပြုံးလေးတစ်ချက် ပြုံးပြီး တချက် အော်လိုက်သည် ။
သားအဖ နှစ်ယောက် သည် အမြဲလိုလို ဤ သို့ ကလူကျီစယ်မြဲပင် ။

ငါ့သား.. မင်းတော်တော် စကား တတ်လာပါလား ဟု ပြောပြီး ဇော်အောင်၏ ငယ်ထိပ်ကို သူဖတ်နေသော ၀တ္တုစာအုပ် လေးဖြင့် ဖြေးညှင်းစွာ ဖုန်း ခနဲ ရိုက်လိုက်သည်။

ဇော်အောင်သည်. ထို စာအုပ် လေးကိုအမှတ်တမဲ့ ကြည့်လိုက်မိသည်။

စာရေးဆရာ (ဆရာ) မောင်သာရ ၏ စာအုပ်လေးဖြစ်သည်။ ၀တ္တုနာမည် ကား..



အ. လို့ ခံရတာ..မသနားစမ်းပါနှင့် ……





ကောင်းသထက်ကောင်းအောင်ကြိုးစားနေမည့်.

မောင်လပြည့် (တက္ကသိုလ် ဆယ်ရက်)