မြတ်ဆရာ

ကျွန်တော်တို့ ဗုဒ္ဓဘာသာဝင်မြန်မာ လူမျိုးတိုင်း အစဉ်သဖြင့် အလေးဂရုပြုမြတ်နိုးတန်ဖိုးထားသော အနန္တော အနန္တ ငါးပါးတွင် မြတ်ဆရာ သည်လည်း တစ်ပါး အပါအ၀င်ဖြစ်သည်။

ရှင်တော်ဘုရားနှင့် တစ်ဂိုဏ်း တည်းထားလောက်အောင် ကြီးကျယ်သော ဆရာတို့ ၏ ဂုဏ်ကျေးဇူးကား ကြီးမားလှပေစွ ။

လောကတွင် မိမိတတ်သိထားသော အရာအား အခြားတပါးသူကို သင်ကြား ပြောပြ ပေးသူကို ဆရာ ဟု မည်၏။

လူတိုင်းတွင် သူဖြတ်သန်းရာ ဘ၀တလျှောက်တွင် ကြုံဆုံရသော ဆရာ တို့ ကား များပြားလှပေစွ ။ သို့ သော် အကြမ်းဖျင်း အားဖြင့် ဆရာ ဟူသည့် ပုဂ္ဂိုလ်ကို သုံးမျိုး ရှိသည်ဟု နားလည် မိသည်။

မိမိအား အသိပညာ အတတ်ပညာတို့ ကို ဂရုတစိုက် ကိုယ်တိုင်သင်ကြားပေးသော သူကို သင်ဆရာ မည်၏။

မိမိ အလိုရှိအပ် သော အတတ်ကို မျက်စိရှေ့ မှောက်တွင် ပြုလုပ်ပြသော သူ (သို့ ) ၄င်း၏ နည်းနာများကို မိမိက မြင်ရုံမျှဖြင့် အတုခိုး ရသော သူအား မြင်ဆရာ ဟု မည်၏။

သူ၏ အတတ်ပညာကို မိမိက တနည်းနည်းဖြင့် ကြားလျှင်သော်လည်းကောင်း ၊ မိမိအား ပြောပြပေးလျှင်သော်လည်းကောင်း ထို သို့ သော ပုဂ္ဂိုလ်ကို ကြားဆရာ ဟု မည်၏ ။

လောကတွင် ဆရာ သုံးမျိုး ရှိသည့်အနက် သင်ဆရာ ဆိုသည်ကား ကျွန်တော်တို့ အပေါ်တွင် ဂုဏ်ကျေးဇူးအထူးမြတ်ဆုံး ဆိုသည်ကိုတော့ မည်သူမျှ မငြင်းနိုင်ပေ။

ဝါသနာ ၊ စေတနာ ၊ အနစ်နာ ၊ ဂရုဏာ ဟုဆိုအပ်သည့် နာ လေးနာနှင့် ပြည့်စုံသော ဆရာများ ဖြစ်ကြသည်။



အတတ်လည်းသင် ပဲ့ပြင်ဆုံးမ

သိပ္ပမချန် ဘေးရန်ဆီးကာ

သင့်ရာအပ်ဖို့ ဆရာတို့ 

ကျင့်ဖို့ ဝတ်ငါးဖြာ

ဟူသည့် ဆရာ့ဝတ် ငါးဖြားနှင့် ပြည့်စုံသော ဆရာမျိုးကား အရာခပ်သိမ်းထက်ပင် သာလွန် မြင့်မြတ်ပေစွ ။



ကျွန်တော်အတွက် မူ ငယ်စဉ်ကလေးဘ၀ မှ စတင်ကာ ယနေ့ အချိန်အထိ အထူးထူး အမျိုးမျိုးသော ဆရာတို့ နှင့် တွေ့ ဆုံခဲ့ရသည်။ လူတိုင်းသည်လည်း ကျောင်းသား အရွယ်မှ စတင်ကာ နေ့ စဉ် ဆရာပေါင်းများစွာဖြင့် တွေ့ ဆုံရလေသည်။ သို့ သော် များပြားလှသော ဆရာ တို့ တွင် မိမိအား ဂရုစိုက်သော သူ ၊ မိမိအပေါ်တွင် စေတနာပိုသောသူ ကို သာ ပိုမို၍ အော်မေ့ သတိရကြမည်သာ။



မူကြိုတွင် ၀လုံး.ကလေးများ ၀ိုင်းစက်စေရန် လက်ကလေးကိုကိုင်ကာသင်ကြားပေးသော ဆရာမများကိုလည်း သတိရမိပါသည်။ F ဟူသော အင်္ဂလိပ်စကားလုံးသည် လွန်စွာအသံထွက်ရခက် လှသည်ကို လွယ်ကူအောင် ဆိုပြပေးသော သူငယ်တန်းမှ ဆရာမ ကိုလည်း ကျေးဇူးတင်ပါသည်။

မူလတန်းကျောင်းသာအရွယ်က စာ မရ၍ ရိုက်ခဲ့ဖူးသောဆရာ့ ကျေးဇူးကြောင့် စာမေးပွဲတွင် ရမှတ်ကောင်းကောင်းဆွတ်ခူးခဲ့ပါသည်။

ဂဏန်းသချာင်္ အမြောက်အလီပေါင်းကို အထစ်အငေါ့ မရှိ ဆရာမ ၏ ရှေ့ တွင် ဆိုပြခဲ့ဖူးသည်မှာ ပြန်စဉ်းစာလိုက်လျှင် ကြည်နူးစရာ။ စာမေးပွဲတွင် အဆင့် တစ် ရသဖြင့် ဆရာမ ဆုချ ထားသော ခဲတံ လေးကလည်း ယခု အချိန်အထိ အသစ်စက်စက်ပင်။

သမိုင်းဘာသာ ကို ကျောင်းသားများစိတ်ဝင်စားအောင် ပုံပြင်လေး တစ်ပုဒ် သဖွယ်ပြောပြပေးသော ဆရာမ ၏ မျက်နှာကိုလည်း ယနေ့ အထိပြန်မြင်ယောင်ဆဲပင်။



ရှေ့ ရှု့ မေတ္တာ ဂရုဏာနှင့် နာနာကျင်ကျင်အပြစ်မြင်က

ဝမ်းတွင်းမသို ဟုတ်တိုင်းဆို၍ ကျိုးလိုစိတ်က

ဆုံးမတက်သူ ဆရာမည်၏ ။

ဆရာတို့ ၏ တပည့်အပေါ်ထားရှိသော မေတ္တာနှင့် စေတနာကို အထိရောက်ဆုံး ထင်ဟပ်စေသော ဆောင်ပုဒ်လေးဖြစ်သည်။



ကိုးတန်းတုန်းက ဆရာမ

အထက်တန်းကျောင်းသားဘ၀ တွင်ပညာနို့ ချိုတိုက်ကျွေးဖူးသော ဆရာ ၊ မ ပေါင်းများစွာရှိသည့်အနက် အမှတ်တရ အရှိဆုံး ဆရာမ ကိုပြောပါဆိုလျှင် န၀မတန်း - ခ မှ ကျွန်တော်၏ အတန်းပိုင်ဆရာမ ကိုသာပြောပြချင်ပါသည်။ ဆရာမသည် အသားညိုညို ၊ မျက်လုံး မျက်ခုံးကောင်းကောင်းဖြင့် အရပ်အမောင်းမနိမ့်မမြင့် ရှိပါသည်။

ဆရာမ ၏ ဥပတိရုပ်ကို အနီးကပ်ဆုံးပုံဖော်ရလျှင် ၂၀၁၀ ပြည့်နှစ်၏ အမေရိက တွင် သြဇာအာဏာ အကြီးမားဆုံး အမျိုးသမီး ဟု တင်စားထားသည့် အမေရိကန်သမ္မတ Obama အိုဘားမား၏ ကတော် First Lady ဟုခေါ်သည့် Mrs.Mitchell Obama (မီချယ် အိုဘားမား) နှင့် ခပ်ဆင်ဆင်တူပါသည်။

စိတ်နေသဘောထားတည်ကြည်ဖြောင့်မတ်ပြီး ကျောင်းသားများအပေါ် နားလည်မှူ့ အပြည့်ရှိသော အတန်းပိုင်ဆရာမ ဖြစ်သည့်အတွက် ကျွန်တော်တို့ အားလုံးက လေးစားခင်မင်ရသည်။

ယောကျာ်းလေးများ သာစုထားသည့် စိန်ပေါလ် ဟူသော ကျောင်းတွင် မ.တစ်ထောင်သားများကို ထိန်းသိမ်းရသော အလုပ်သည် တကယ်တော့ မလွယ်ကူလှပါ။ အခြားသော ဆရာ ၊ မ များက အတန်းအုပ်ချုပ် ရာတွင် လက်စွဲတော်ကြိမ်စင်္ကြာကိုသာ အားကိုးလေ့ရှိသည်။ ကျောင်းသားတစ်ယေက်၏ လိုအပ်ချက်ကိုသေချာနားထောင်ပြီး ဖြေရှင်းပေးမှူ့ အပိုင်းတွင်မူ အားနည်းချက်များရှိကြသည်။ စာသင်ခန်းထဲသို့ ဝင်လာပြီး ကျောက်သင်ပုန်းကြီးကို တဖုန်းဖုန်းရိုက်ကာ အတန်းထိန်းသည့် ကြိမ်လုံးဗျူဟာ ကိုသာ ဆရာမ အများစုက အသုံးပြုကြသည်။

သို့ သော်ကျွန်တော်၏ အတန်းပိုင်ဆရာမ ကမူ ထိုသို့ ပြုခဲ၏ ။ မလွဲသာ မှသာ ကြိမ်လုံးကိုင်သည်။ ပြသနာတစ်ရပ်ကို အများလက်ခံအောင် သေချာစွာဖြေရှင်းပြသည်။ ပြီးမှ အပြစ်ရှိသူကို ထိုက်သင့်သည် အပြစ်ဒဏ်ဖြင့် ဆုံးမသည်။

အတန်းထဲတွင် နာမည်ဆိုးဖြင့်ကျော်ကြားလှသော ကျောင်းသားကြီးများ၏ ချစ် ကြောက် ရိုသေ မှူ့ ကို အပြည့်အ၀ အခံရဆုံးသူ တစ်ဦးဖြစ်ပါသည်။

ကျွန်တော့် ဘ၀အတွက် အထူးခြားဆုံးဖြစ်ရပ်ကတော့ သီတင်းကျွတ်ကျောင်းပိတ်ရက်တွင် ဆရာမက သူ ၏ အတန်းသားများထဲမှ ကျောင်းသားအချို့ ကို ရဟန်းခံရှင်ပြုပေးကာ သူကိုယ်တိုင်က ရဟန်းအမ အဖြစ်ခံယူလေသည်။

သား သမီးမရှိသော အပျိုကြီးဖြစ်သောငြားလည်း သူ၏တပည့်များကို ကိုရင် ၀တ်ပေးကာ သာသနာ့ဒါယိကာမ ဘွဲ့ ကိုရည်မှန်းသော ဆရာမ ၏ စိတ်ကူးသည် မြင့်မြတ်ထူးခြားလှပေစွ။ ဆရာမ ၏ မြင့်မြတ်လှသော အလှူဒါနကို ကျောင်းအုပ်ဆရာကြီးက သိရှိသောအခါ သာဓုခေါ်ရုံမျှမက စိန်ပေါ်လ်ကျောင်းကြီးတစ်ကျောင်းလုံးအတိုင်းအတာဖြင့် အထက်တန်းကျောင်းသားများကို ဆယ်ရက်ဝိပသနာ တရားစခန်းသို့ အရောက်ပို့ ဆောင်ပေးနိုင်ခဲ့သည်။

ထို့ ကြောင့် ကျွန်တော်တို့ ကျောင်းသားများသည် အထက်တန်းကျောင်းသား အရွယ်ကပင် မိုးကုတ် တရားစခန်း ၀င်ဖူးကြသည်။ ၀ိပသနာ ထွက်သက်ဝင်သက်ကို ကျနစွာ တရားအားထုတ်တတ်ကြသည်။ ပဋိစ္စသမုပ္ပ စက်ရဟတ်ကြီးကို သင်ကြားဖူးခဲ့သည။်

ဆရမ က မျိုးစေ့ချပေးခဲ့သော ၀ိပသနာတရားအလုပ်သည် ကျွန်တော့်အတွက် ဘ၀ ၏ ရှေ့ ဆောင်လမ်းပြဖြစ်ရုံမျှမက လောကီ ၊ လောကုတ် နှစ်ဖြာအကျိုးအတွက်အကျိုးများလှပေသည်။

မိမိရရှိသော ပမာဏ မများလှသည့် ချွေးနည်းစာလေးဖြင့် တပည့်များအား ကျောင်းသင်ခန်းစာ လောကီ ပညာ နှင့် လောကုတ္တရာသာသနာ့အမွေ ပေးခဲ့ပုံသည် . တပည့် မရှား တစ်ပြားမရှိ ပီတိကိုစား အားရှိပါ၏ ဟူသော စကားအလေးအတိုင်းပင်။

ထို့ ကြောင့် များပြားလှစွာသော ကျောင်းဆရာမ ထဲတွင် ကျွန်တော့်အတွက် အမှတ်တရ အရှိဆုံး သည် ကိုးတန်းတုန်းက ဆုံခဲ့ရသော အတန်းပိုင်ဆရာမ သာဖြစ်တော့သည်။



ကျောင်းအုပ်ဆရာကြီး တစ်ဦး

ကျောင်းသားဘ၀ အရွယ်တွင် ကြုံခဲ့ဖူးသော ကျောင်းအုပ်ဆရာကြီးများအနက် အထူးခြားဆုံးပုဂ္ဂိုလ်သည် ကျွန်တော် အထက်တန်းကျောင်းသားဘ၀ တွင်စတင်ကြုံဆုံခဲ့ရသော ဆရာကြီးဖြစ်သည်။ ဥပတိရုပ်ခန့် ငြားသလို အမြဲလိုလို တိုက်ပုံအကျီ င်္ အဖြူရောင်နှင့်တွဲဘက်မြင်ရလေ့ရှိသော ဆရာကြီး သည် စကားပြောလွန်စွာကောင်းသည်။

ဆံပင်အလယ်ခွဲကို ပိပြားသပ်ရပ်စွာဖြီးလေ့ ရှိပြီး ကြက်တောင်ရိုက်ခြင်းကို နှစ်ခြိုက်သော အားကစားကိုအထူးအားပေးသော ဆရာကြီးဖြစ်သည်။

ကျွန်တော်တို့ ကျောင်းသာများကို လည်း တိုင်းပြည်ချစ်တတ်လာအောင်၊ ကိုယ့်အမျိုးသားသီချင်း အမျိုးသားဝတ်စုံကို မြတ်နိုးတတ်လာအောင် အပတ်စဉ် သောကြာနေ့ တိုင်း ကျောင်းသားတိုင်း တိုက်ပုံဝတ်ကာ Assembly ပြုလုပ်ပြီး သြ၀ါဒ စကားမြွက်ကြားလေ့ရှိသည်။ သူ၏ ဘ၀အတွေ့ အကြုံများနှင့် ယှဉ်ကာ ကျောင်းသားများစိတ်ဝင်စားအောင် ပုံတိုပတ်စ များ ၊ အဆိုအမိန့် များကိုးကားပြောကြားလေ့ရှိသည်။

ကျောင်းသားများကို ပညာရဲရင့် ပွဲလယ်တင့် လာအောင် ၊ လူအများရှေ့ ထွက်ပြီး ရဲရဲဝံ့ဝံ့ စကားပြောရဲဆိုရဲရှိစေရန် အမြဲလိုလိုတွန်းအားပေးတတ်သည်။

ဆရာကြီးလက်စွဲပြုသည်စကားတစ်ခွန်းသည် မန္တလေး ၊ အမရပူရ တောင်မြို့ ရှိ မဟာဂန္ဓရုံ ဆရာတော်ကြီး ရှင်ဇနကာ ဘိဝံသ ၏ ဆောင်ပုဒ် ဆယ်ချက်ကိုလက်ကိုင်ပြုသည်။

ကျောင်းသာတစ်ဦးသည် စာတော်တိုင်း ၊ စာတတ်တိုင်း သူနှင့် သူ့ လူမှူ့ ပတ်ဝန်းကျင်ကို အကျိုးမပြုနိုင် ။ လောကတွင် အရေးအကြီးဆုံးက စိတ်နှလုံးကောင်းမွန်ရေး ဟုဆိုသည့် စိတ်ထားကောင်းဖို့ က ပထမ ဟု ဆိုလေသည်။

ဆရာကြီး၏ ထူးခြားသော အရည်အချင်းတရပ်မှာ ကျောင်း ဟူသော နေရာကိုအဓိပ္ပာယ်ဖွင့်ဆိုခြင်းပင်ဖြစ်သည်။

ငယ်စဉ်ကတည်းက ကျောင်း လာသည့်ကိစ္စသည် စာသင်ရန်အတွက်ဟူ၍ သာ ခပ်ပေါ့ပေါ့တွေးထားမိ၏။ ဆရာကြီးကမူ ထိုထက်ပိုမိုသော အဓိပ္ပယ်ကို ရှင်းပြသည်။

ကျောင်းတတ်ခြင်းသည် စာသင်ကြား ရန်ဟူသည့်ရည်ရွယ်ချက်တစ်ခုတည်းအတွက်မဟုတ် ။ လူတစ်ယောက်၏ အကျင့်စာရိတ္တ ၊ ကိုယ်ရည်ကိုယ်သွေး ၊ အတွေးအခေါ် စသည်တို့ ကိုပါ လေ့ကျင့်သင်ကြားပေးသော နေရာဖြစ်သည။်

ထို့ ကြောင့် ကျောင်းတတ်ခြင်းသည် လူ ဖြစ်နည်း သင်တန်းကို တတ်ရောက်နေခြင်းဟု မှတ်ယူရမည် ဟု ဆိုလေသည်။

ကျွန်တော်သည် ဆရာကြီး ၏ လူဖြစ်နည်းသင်တန်းကို ယနေ့ ထက်တိုင် ပြန်ပြောင်းအောက်မေ့ဆဲပင် ။





ရန်ကုန်မြို့ ၏ အကောင်းဆုံး အင်္ဂလိပ်စာ သင်ကြားရေး စင်တာ

ကျွန်တော်သည် ငယ်စဉ်က အင်္ဂလိပ်စာတွင် လွန်စွာအားနည်းခဲ့ပါသည်။ ဆယ်တန်းအောင်သောအခါ ပြည်ပ သို့ ထွက်ခွာကာ ပညာခရီးရှေ့ ဆက်မည့်အစီအစဉ်တွင် လည်း အကြီးမားဆုံးအဟန့် အတားသည် အင်္ဂလိပ်စာ စွမ်းရည်မပြည့်ဝ ခြင်းပင်ဖြစ်သည်။

ထိုအခက်အခဲ ကြီးကို ရင်ဆိုင်ကျော်လွှားရန် ပထမဦးဆုံးတွန်းအားပေးခဲ့သည့် နေရာသည် ဆိပ်ကမ်းသာလမ်းရှိ Y.W.C.A အဆောက်အအုံးရှိ ရန်ကုန်အင်္ဂလိပ်စာသင်ကြားရေးကျောင်း ဖြစ်သည် ။

(မှတ်ချက် ၊ လွန်ခဲ့သော ဆယ်နှစ်ခန့် က အဆိုပါနေရာတွင် ရန်ကုန်မြို့ ၏ အစောဆုံးနှင့် နာမည်ကြီးဆုံးအင်္ဂလိပ်စာသင်တန်းကျောင်းတစ်ခုရှိပါသည်။ ယခု အချိန်တွင် မူ အခြားသော အင်္ဂလ်ိပ်စာ သင်တန်း ကျောင်းမှ အဆိုပါအဆောက်အအုံတွင် ပြောင်းလဲဖွင့်လှစ်ထားပါသည်။)

ကျွန်တော် ငယ်စဉ်က သင်ကြားခဲ့ဖူးသောကျောင်း စာသင်ခန်း များနှင့် မည်သို့ မျှ ဆက်စပ်၍ မရသော သင်တန်းကျောင်းကြီးဖြစ်သည။်

အင်္ဂလိပ်စာ သင်တန်းဆရာကြီး၏ ဥပတိရုပ်ကပင် ဥရောပ သားတစ်ယောက်နှင့်တူလှပါသည်။ အထူးခြားဆုံးသော အမှတ်လက္ခဏာ မှာ ကျောအထိအောင်ရှည်လျားလှသည့် တွန့် ကြေကြေ ရှိသော ကြေးနီရောင်ထ နေသည့် ဆံပင်များဖြစ်ပါသည်။ အစ ပထမရက်များတွင် ဆရာ ကို ခပ်ရွံ့ ရွံ့ ရှိလှသည်။ သို့ သော် ဟာသဥာဏ်ရွှင်ရွှင်ဖြင့် စာသင်ကြားတတ်သော ဆရာ၏ ခင်မင်နှစ်လိုဖွယ်စရိုက်ကြောင့် မကြာမီအချိန်အတွင်းပင် အကြောက်ပြေကာ ဆရာ့အား ခင်မင်လျက်ရှိလာသည်။

ခပ်တုံးတုံးဓားတစ်လက်ကို နေ့ စဉ်လိုလို ဓားသွေးကျောက်ပေါ်တွင် တမြမြသွေး ပါက ထက်မြက်လာသလို ကျွန်တော်၏ အင်္ဂလိပ်စာ စွမ်းရည်သည်လည်း သင်တန်းကာလ ခြောက်လ ခန့် အကြာတွင် အတော်အတန် ပြောနိုင်ဆိုနိုင်သော အနေအထားသို့ ရောက်ရှိလာပါသည်။ ဆရာသည် တပည့်တစ်ဦးကို ပြောဆို ၊ ဆိုရဲ ရှိလာအောင် သင်ကြားပေးသည့်နေရာတွင် သူမတူအောင် ထူးချွန်လှပါသည်။

ဆရာသည် အမေရိက တွင်ပညာသင်ခဲ့ဖူးသည့်အတွက် သူ၏ သင်ကြားပုံနည်းစနစ်များမှ ကျွန်တော့်အတွက်အထင်ကြီးလေးစားဖွယ်ရာများပင် ။ The Art of Teaching ဟုခေါ်သည့် သင်ကြားမှူ့ အနုပညာ ဆိုသည်ကို တပည့်များနားလည်အောင်သင်ကြားနိုင်စွမ်းရှိသည်။

အဆိုပါ အင်္ဂလိပ်စာသင်တန်းသည် ကျွန်တော့်ဘ၀ အတွက် အင်္ဂလိပ်စာ စွမ်းရည်ကိုသာမက ၊ အတွေးအခေါ်နှင့် ပင်ကိုယ်စရိုက်တို့ ကိုပါ ပြောင်းလဲ သွားစေခဲ့ပါသည်

ကျွန်တော်သည် အထက်တွင်ဆိုခဲ့သည့်အတိုင်းယောကျာ်းလေးများသာ တတ်ရသည့် စ်ိန်ပေါလ်ဟုခေါ်သော ယောကျာ်းလေးကျောင်းတွင်သာ နေခဲ့ရသည်။ ကျွန်တော်တွင် ညီအစ်ကို နှစ်ယောက်သာ ရှိသည်။ မောင်နှမ ၀မ်းကွဲများနှင့်လည်း ဖက်လှဲတကင်းနေလေ့မရှိပါ။ ထို့ ကြောင့်ကျွန်တော်သည် တစ်ိမ်း မိန်းကလေးများနှင့်ပြောဆိုဆက်ဆံရာတွင် လွန်စွာမှ အရှက်အကြောက်ကြီးသော ခပ်တုံးတုံး ခပ်အအ ကုပ်ကမြင်းဘွဲ့ ခံ လူငယ်လေးတစ်ဦးသာဖြစ်ခဲ့ပါသည်။

ထိုစဉ်က ကျွန်တော့်ခံစားချက်သည် တစိမ်း မိန်းကလေးတစ်ဦးနှင့် စကားပြောမည်လော ၊ ကျား အမြီး ပြေးဆွဲမည်လော ဟု ဆိုလျှင် .ကျွန်တော်သည် ကျားအမြီးကိုသာ ကျေကျေနပ်နပ်ကြီး ပြေးဆွဲလိုက်ချင်ပါသည်။ အဘယ်ကြောင့်မှန်းမသိ မိန်းကလေးများနှင့် စကားပြောရပြီဆိုလျှင် လက်ဖျား ခြေဖျားများ အေးစက်ပြီး ရင်ထဲတွင်လည်း တလှပ်လှပ်ဖြစ်လာပါသည်။ ရင်တုန် ပန်းတုန် ရှိလိုက်လေခြင်း ။

ထို အချက်ကို သိသော ဆရာက ကျွန်တော့်အား အမြဲလိုလို မိန်းကလေးများနှင့်သာ ယှဉ်တွဲစကားပြောစေပါသည်။

မလွဲသာ မရှောင်သာ ပဲ ဆရာ့အမိန့် ဖြင့် စကားပြောရပြီ ဆိုလျှင်လည်း အနှီ မိန်းကလေးငယ် ၏ မျက်နှာကို မကြည့်ဝံ့သဖြင့် ကျွန်တော်သည် မျက်နှာကျက်ကိုမော့ကြည့်လိုက် ၊ ကြမ်းပြင်ကို ငုံ့ ကြည့်လိုက်ဖြင့် စကားပြောလျှင် အထစ်ထစ် အငေါ့အငေါ့ ဖြစ်လျှက်ရှိပါသည်။ Paring ဟုခေါ်သည့် နှစ်ယောက်မျက်နှာချင်းဆိုင် အင်္ဂလ်ိပ်စကားပြော English Conversation ပြုလုပ်ရာတွင် အမြဲလိုလိုကျွန်တော်နှင့်တွဲသော မိန်းကလေးများကသာ ကျွန်တော့်ကို ဦးဆောင်ပြီး ပြောခဲ့ရသည် ချည်းပင်။ (..အော်… ယောက်ျားလေး က.စ.. ရမှာလား ခင်ဗျား)

ဆရာသည် ကျွန်တော်၏ လူတောမတိုးသည့် စိတ် .( တစ်နည်း ) မိန်းမ ကြောက်သည့်စိတ်ကို လျော့ပါးပျောက်ကွယ်စေရန် မှားယွင်းသော စိတ်နေသဘောထား (wrong attitude) ကို ပြုပြင်ရန်ဖြောင်းဖျပြောဆိုသည်။ လောကတွင် ယောက်ျားနှင့် မိန်းမ နှစ်မျိုးသားရှိသည့်အတွက် ကိုယ်သည် ယောကျာ်းများနှင့်သာ ပြောဆိုဆက်ဆံပါမည်ဟု စိတ်ပိုင်းဖြတ်ထား၍ မရစကောင်းပေ။

ထို အချိန်မှ စတင်၍ ကျွန်တော်၏ မှားယွင်းသော အတွေးအခေါ်များကို မြေလှန်ခဲ့ပါသည်။ ယနေ့ အချိန်တွင် ကျွန်တော်၏ သူငယ်ချင်းစာရင်းကို စစ်တမ်းကောက်ယူကြည့်ပါလျှင် မိန်းကလေး သူငယ်ချင်း များသည် ရှစ်ဆယ်ရာခိုင်နှူန်း ( ၈၅%) ခန့် ရှိနေသည်ကို အံ့အားသင့်ဖွယ်ရာ တွေ့ ရလေသည်။ မိန်းကလေးများနှင့် စကားပြောလျှင်လည်း ဟိုးယခင်ကလို ခွေးအ ကြီး လှည်းနင်း သလို မဟုတ်တော့ပဲအာသွက် လျှာသွက်နှင့် ပြုံပျော်ရယ်ရွှင်စွှာပြန်ပြောနိုင်ခြင်းသည် အမှားသိ၍ အမှန်ပြင်ခဲ့ခြင်း၏ ရလာဒ် ပင်မဟုတ်ပါလော။

ထို့ ကြောင့် . အဆိုပါ အင်္ဂလိပ်စာသင်တန်းကျောင်းမှ ဆရာသည် ကျွန်တော့်ဘ၀ အတွက် အင်္ဂလိပ်စာ ကိုသာမက ပေါင်းသင်းဆက်ဆံရေး သဘောတရားများကိုပါသင်ကြားပေးခဲ့ ပါတကား ။



ကွန်ပြူတာ ဟု ဆိုရာဝယ်

ကျွန်တော် ငယ်စဉ်က ကွန်ပြူတာ ဆိုသည့်အရာကို လွန်စွာမြင်ဖူးချင်သည့်အတွက် . ကျောင်းရှိ ကွန်ပြူတာ ခန်းသို့ ပြတင်းပေါက်မှ ချောင်းမြေင်းကြည့်ရှုခဲ့ဖူးပါသည်။

ကွန်ပြူတာ ဆိုသည်မှာ လက်နှိပ်စက် နှင့် တီဗွီ ကို ပေါင်းစပ်ထားခြင်းပင်ဖြစ်သည်ဟု ထိုစဉ်က မိမိဘာသာ နားလည်ခဲ့ပါသည်။ ဆယ်တန်းအောင်ပြီးသော်အခါ ရန်ကုန်မြို့ ရှိ နာမည်အကြီးဆုံး ကွန်ပြူတာ သင်တန်းကျောင်းကြီးကိုတတ်ရောက်ခဲ့ပါသည်။ ပြီးနောက် ထိုသင်တန်းကျောင်းတွင်ပင် နည်းပြဆရာ (Instructor)အဖြစ် အလုပ်ဝင်ခဲ့ပါသည်။ ထို ကွန်ပြူတာကျောင်းကြီး၏ ကျေးဇူးကြောင့် ကျွန်တော်သည် ကွန်ပြူတာနှင့် ပတ်သက်လျှင် အတော်အတန် တီးမီးခေါက်မိရှိသော အခြေအနေသို့ ရောက်ခဲ့ပါသည်။

ကျွန်တော်တို့ ရဲ့ ကွန်ပြူတာ သင်တန်းကျောင်းသည် ရန်ကုန်မြို့ တွင် အစောဆုံးပေါ်ပေါက်ခဲ့သော ကျောင်းဖြစ်ပြီး မြန်မာနိုင်ငံတွင် လည်း အကြီးဆုံး ကွန်ပြူတာသင်ကြားရေးစင်တာကြီးဖြစ်ပါသည်။

သင်တန်းကျောင်း၏ အမည်ကို တချို့ က ကဗျာဆန်ဆန် (Kiss Me Darling) ဟုသမုတ်ကြသည်။ တချို့ ကလည်း ဟာသဥာဏ်ရွှင်ရွှင်ဖြင့် ကိုမိုးဒီ (Ko Moe Di) ဟု ကျယ်စယ်နောက်ပြောင်ကြသည်။ မည်သို့ ပင်ဆိုစေ ကျွန်တော်တို့ သင်တန်းကျောင်းကြီးကတော့ သစ်တစ်ပင်ကောင်း ဌက်တစ်သောင်းနား ရ ဟူသည့်စကားအတိုင်းပင်။

ရောက်ရှိလာသူ ခုနစ်ရက်သားသမီးအပေါင်းတို့ ကို ခေတ်မီ ကွန်ပြူတာ နည်းပညာ ကြီးများ ဝေဌ ဖြန့် ဖြူးလေ့ရှိပါသည်။ ထို့ အတူ ကျွန်တော်တို့ သင်တန်းဆရာ ၊ မ များသည်လည်း နေ့ စဉ်နှင့်အမျှ တိုးတက်ပြောင်းလဲနေသော နည်းပညာများကို မျက်ခြေမပြတ် ဆည်းပူးလေ့ လာခွင့်ရကြပါသည်။ အကျီ င်္လက်ရှည်အဖြူနှင့် ယေပုဆိုး အညိုရောင်ကလေးကိုဝတ်ကာ ကျက်သရေမင်္ဂလာရှိလှသော ဆရာ ဟူသည့်ဘ၀ကို ရရှိခဲ့ဖူးသည်။

ထို့ ကြောင့် ငယ်စဉ်ကျောင်းသား ဘ၀၌ အခြားသူများက ကွန်ပြူတာကြီးကို နှိပ်ပြလျှင် မျက်စိသူငယ် နားသူငယ် . ပါးစပ်အဟောင်းသားနှင့် ငေးကြည့်နေရသော ဘ၀မှ ယခုအချိန်တွင် ကွန်ပြူတာရှေ့ စမတ်ကျကျထိုင်ကာ အခြားသူများကိုပင် ပြန်လည်၍ ပညာပြန်သင်ပေးနိုင်သော ဆရာ ဘ၀ သို့ ရောက်ရှိခဲ့ပါသည်။ နံနက်ပိုင်းတွင် ပညာ ၀မ်းစာ ဖြည့်တင်းပြီး ညနေပိုင်းတွင် သင်တန်းသားများကို တတ်သိနားလည်သမျှ ပြန်လည်သင်ကြားပေးရင် မိမိ၏ ပင်ကိုယ်အရည်အချင်းများပါ တိုးတက်လာခဲ့ရပါသည်။

သင်တန်းကျောင်းကြီးသည် ကျွန်တော့်ကို ကွန်ပြူတာစွမ်းရည်သာမက လူမှူ့ ပေါင်းသင်းဆက်ဆံရေးကိုပါ သင်ကြားပေးခဲ့လေသည်။ နေ့ စဉ်ရာချီသော သင်တန်းသူ ၊ သင်တန်းသားများ နှင့်သာမက မိမိနှင့် ဘ၀တူ သင်တန်းဆရာ ၊မ များနှင့်လည်းထိတွေ့ ဆက်ဆံရသည်။ ထို့ ကြောင့် ယခင်က မိန်းကလေးများနှင့် စကားပင်မပြောရဲ လောက်အောင် လူတောမတိုးရဲသောဘ၀မှ နေ့ စဉ် သူငယ်ချင်းဆရာမငယ်လေးများ နှင့် တပည့် မိန်းကလေးပေါင်းများစွာနှင့် ပြောဆိုရလေတော့သည်။

ထို နေ့ ရက်များသည် ကျွန်တော့်ဘ၀၏ ရွှေရောင်နေ့ ရက်များဖြစ်သည်။ အလှချင်းပြိုင်ကာ အစွမ်းကုန်ဖူးပွင့်ပန်းကလေးများနှယ် သင်တန်းသူ နှင့် ဆရာမငယ်လေးများ အကြား၌ ၀ိုင်းဝိုင်းလည်နေသော ကျွန်တော်၏ ဘ၀သည် ပန်းမြိုင်လယ်က ဥယျာဉ်မှူးကြီး ပင်တည်း ။ ဤသို့ စန်းပွင့်လိုက် ပုံများ ဋီကာချဲ့ လျှင် အတော်အတန်ထူထဲပြီး ဖတ်လို့ ကောင်းသော ၀တ္တုတစ်ပုဒ်ဖြစ်ဖွယ်ရှိ၏။

ဘ၀၏ ကျေးဇူးရှိလှသော ဆရာများ စာရင်းတွင် အဆိုပါ သင်တန်းကျောင်းကြီးနှင့်တကွ သင်တန်းကျောင်းမှ ဆရာ ၊ မ များ ၊ မိမိအားလမ်းညွှန်ပြသပေးသော မိတ်ဆွေသူငယ်ချင်းများကိုလည်း ချန်လှပ်ထား၍ မရနိုင်ပေ။ ထို သင်တန်းကြီးကို အောင်မြင်ကြီးပွားအောင်တည်ထောင်ခဲ့သည့် ဆရာ ဟုခေါ်သည့် ပုဂ္ဂိုလ် ကြီး၏ ကျေးဇူးကလည်း အနန္တပါတကား ။

တွေ့ ဆုံ ကြုံ ကွဲ ဆုံမြဲဓမ္မတာမို့  . သင်တန်းကြီးနှင့် ဝေးကွာခဲ့ရသော်လည်း . ကွန်ပြူတာခလုတ်ကို နှိပ်လိုက်တိုင်း သူတထူး ၏ ကျေးဇူးတရားကို ပြန်ပြောင်းအောက်မေ့ လျှက် လက်အုပ်ချီမိုး ရိုကျိုးလျက်ပါ။



အနုပညာသမား စစ်စစ်ကြီး တစ်ဦး

စာရေး ၊ စာဖတ်ခြင်းစသည့် စာပေ ၀ါသနာထုံလှသော ကျွန်တော်သည် တနေ့ သောအခါ သတင်းစာထဲတွင် စိတ်ဝင်စားစရာ ကြော်ငြာတစ်ခုကိုတွေ့ မိသည်။

ဝတ္တု ၊ ဇာတ်ညွှန်းရေးနည်းသင်တန်း ဖြစ်သည်။ ထို့ ကြောင့် သင်တန်းသို့ သွားရောက်စုံစမ်းကြည့်၏ ။ ကျွန်တော် ထင်ထားသည်က စာရေးဆရာဆိုသည်မှာ တိုက်ပုံအကျီ င်္ကြီးကို ၀တ်လျက် မျက်မှန်ထူထူကြီးဖြင့် မိန့် မိန့် ကြီးထိုင်ကာ နေမည့်သူ ဟုတွေးထင်ထားမိ၏ ။

သို့ သော သင်တန်းသို့ ရောက်သောအခါ သင်တန်းချိန် စပြီး ဆယ်မိနစ်အထိ် သင်မည့် စာရေးဆရာ ကို ရှာမတွေ့ သေး ။ အတန်ကြာသော ကျွန်တော့် အနားမှ ဆံပင် ဂုတ်ဝဲနှင့် အရပ် အမောင်း မမြင့်မားလှသော လူငယ်တစ်ဦးက White Board ရှေ့ ဆရာထိုင်ခုံတွင် ထိုင်ကာ သင်ခန်းစာ စာအုပ်များကို လှမ်လျှက်ရှိနေသည်။ ခြေထောက်တွင် အခန်းတွင်းစီးရလေ့ရှိသည့် အမွှေးမွ ဖိနပ်ကြီးကို စီးကာ ၊ ကောဖီခွက် ကိုင်ရင်း ကျွန်တော်တို့ ကိုကြည့်လိုက်၏ ။

ကျွန်တော်ထင်သည်ကား . စာရေးဆရာကြီး ၏ တူ သော်လည်းကောင်း ၊ သား သော်လည်းကောင်းဖြစ်မည်ဟု မှတ်ထင်မိ၏။

သို့ သော် အဆိုပါ လူငယ်လေးမှ ယနေ့ စ.သင်မည့် သင်ခန်းစာ ဟု ဆို လိုက် လေသည်။

ဒီတော့မှ သြော် . ငါတို့ ကို သင်မည့် စာရေးဆရာဆိုတာ သူ ပါလား ဟု နားလည်မိ၏ ။

ဆရာသည် သူ၏ အသက်နှင့်စာလျှင် သူ၏အနုပညာ အရှိန်အ၀ါက ပိုကြီးမည်ဟု ယူဆနိုင်သည်။ ရန်ကုန်မြို့ တွင် နာမည်ရ အနုပညာ လုပ်ငန်းစု တစ်ခုကို ဦးဆောင်လျက်ရှိသည်။ မအားလပ်သည့်ကြားထဲမှ နေ၍ သူ၏၀ါသနာအရ သူတတ်ထားသည့် စာပေအနုပညာကို တဆင့်ပြန်လည်ပို့ ချနေခြင်းဖြစ်သည်။

ယခုလို အခြေအနေ မျိုးရောက်ရှိအောင် သူ ရုန်းကန်ခဲ့ရပုံများကလည်း အားကျဖွယ်ရာပင်။ အနုပညာ လောကထဲသို့  မည်သည့်အဆက်အသွယ် အထေက်အပံ့ မှ မရှိ ၊ မိဘများကို အတိုက်အခိုက်ပြုကာ သူ ယုံကြည်ရာကို စွဲကိုင်ခဲ့သည်။ ပင်ကိုယ်ကြိုးစားမှူ့ ဖြင့် ထို အခြေအနေအောင်မြင်မှု့ မျိုးကိုရောက်အောင် အတော့်ကို ကြိုးစားခဲ့ရသည်။

ယခုလို အနုပညာ ၀ါသနာရှင်များကို ပညာလှူ ကာ မြေတောင်မြောက်ပေးချင်သည် ဆရာ့ စေတနာကား သာဓုခေါ်ဖွယ်ရာပင်။

ဇာတ်လမ်းတည်ဆောက်ပုံ ၊ ဇာတ်အိမ်ခွဲပုံ နှင့် ထင်ပေါ်ကျော်ကြားသော စာရေးဆရာ . အနုပညာသည်တို့ အကြောင်းကို စိတ်ဝင်စားဖွယ် ရှင်းလင်းပြောပြ၏ ။

တရုတ်သွေးပါသော ကျွန်တော့် ပုံစံကိုကြည့်ကာ ဆရာက . ဂျပန် ကင်ပေတိုင် နှင့်တူသည်ဟု ဆိုပြီး…ကင်ပေတိုင် ဟု အမည်ပြောင်ချစ်စနိုးခေါ်တတ်သည်။

ကျွန်တော်သည် ထိုသင်တန်းကို သုံးလ မျှသာ တတ်ရောက်နိုင်ခဲ့သော်လည်း စာပေနှင့်ပတ်သက်လျှင် အတော်အတန်တီးခေါက်မိလာသည်။

ဇာတ်လမ်းတစ်ပုဒ် ၊ ရုပ်ရှင်တကားကို ယခင်ကလို ပေါ့ပေ့ါတန်တန်မကြည့်တော့ပဲ ၊ ဇာတ်လမ်း အချိတ်အဆက်နှင့် အနုပညာသည်တို့ ၏ ပြကွက်ကောင်းများကို သေချာစွာကြည့်ရျူ့ တတ်လာသည်။

ဆရာသည် Harry Potter ဟုဆိုသည့် အနောက်တိုင်း မှော် တစ္ဆေ ၀တ္တုကြီးကို ဖတ်ခိုင်းပြီး ဇာတ်လမ်းခွဲခိုင်းသည်။ ကျွန်တော်သည် အစ .ပထမတွင် ကလေး ကြိုက်ဟု ပေ့ါပေ့ါတန် တွေးထင်ထားသော စာအုပ်သည် . တကယ်တမ်း ဖတ်ကြည့်သောအခါ ခိုင်မာသော ဇာတ်အိမ်နှင့် စိတ်ဝင်စားဖွယ်ဖြစ်အောင်တင်ဆက်ထားသည်ကို တွေ့ ရသည်။

ဆရာကိုယ်တိုင်ကလည်း အဆိုပါ . တစ္တေ ၊ သရဲ ၊ အောက်လမ်း စသည်တို့ ကို ၀ါသနာထုံ သည်။ ဖြစ်နိုင်လျှင် တစ္ဆေနှင့်ပတ်သက်သော ကျမ်းတစ်စောင်ရေးဖွဲ့ ချင်သည် ဟု ပြောဖူး၏။ ဆရာ ၏ အချစ်ဝတ္တုများသည်လည်း သာမန် မဲပြာပုဆိုး ဇာတ်လမ်းတို့ မှ ခွဲထွက်နိုင်သူအဖြစ် ပရိသတ်ကလက်ခံထားသည်။

လွန်ခဲ့သော ခြောက်လ ခန့် က . ဂျာနယ် တစ်စောင်တွင် ဆရာပုံနှင့်တကွ အင်တာဗျူးတစ်ခု ဖျတ်ခနဲ တွေ့ လိုက်ရသည်။

ယနေ့ မြန်မာ ၀တ္တုလောက၏ တစ္ဆေ သရဲ ၀တ္တုလိုင်းဘက်တွင် . အနုပညာကြေးအမြင့်ဆုံးရသည့် စာရေးဆရာတစ်ဦးအဖြစ် ရပ်တည်နေကြောင်းဝမ်းမြောက်ဖွယ်ရာသိလိုက်ရသည်။ ကလောင်အမည်သစ် ဖြင့် အောင်မြင်မှူ့ ရနေသော ပြုံရွှင်နေသည့် ဆရာ့ ဓာတ်ပုံကို ကြည့်ကာကြည်နူးရင်း ဖြင့် အဝေးရောက် တပည့်တစ်ဦး က ဂျာနယ်ထဲမှ ဆရာ့ ပုံအား ဂါရ၀ ပြုလျက်။





တောင်တန်းကြီးသဖွယ် စိတ်ဓာတ်ခိုင်မာရမည် (ရာမတို တာမာချီ)

ဂျပန်လူမျိုးများသည် လွန်စွာစိတ်ဓာတ်ထက်သန်ပြင်းပြသော လူမျိုးဖြစ်သည်။ ထို့ အတူ ကျွန်တော်၏ ဂျပန်ဆရာကြီးသည်လည်း ကျွန်တော့်အား ၄င်းတို့ ၏ စိတ်ဓာတ်မျိုး တစ်နည်း ဆာမူရိုင်း စိတ်ဓာတ် ဟုဆိုရမည့် ပြင်းပြသော စိတ်ဓာတ်ရှိစေချင်သည်။ ကျွန်တော်သည် ဂျပန်ဘာသာစာ နှင့် စကားကို သုံးလ ကျော်ခန့် မျှ လေ့လာဆည်းပူးခဲ့ဖူးသည်။ သာမန်သင်တန်းတတ်ခြင်းမျိုးမဟုတ်ပဲ မိုးလင်းမှ ညနေစောင်းအထိ နေ့ စဉ် အားသွန်ခွန်စိုက်ကြိုးစားပမ်းစားသင်ခဲ့ဖူးသည်။ ဂျပန်ပြည်ကြီးသို့ သွားရန် ကံမပါခဲ့သော်ငြားလည်း လွန်စွာသဘောကောင်းသည့် ဂျပန်လူမျိုး ဆရာကြီးနှင့် တွေ့ ဆုံခွင့်ရခဲ့လေသည်။

ဆရာကြီးသည် ဂျပန်တို့ ၏ ဥပတိရုပ်အတိုင်း ထူထဲလှသောနှူတ်ခမ်းမွှေးကြီးနှင့် အရပ်မနိမ့်မမြင့်ရှိလေသည်။ သို့ သော် မျက်လုံးများက မှေးမနေ ။ မျက်ခုံးများက ကောင်းလှ၏ ။

ငယ်စဉ်ကတည်းက အမေရိက နှင့် ဥရောပနိုင်ငံများတွင်နေထိုင်ခဲ့သဖြင့် အင်္ဂလိပ်စကား ပြောလွန်စွာ အဆင့်မြင့်လေသည်။ ဂျပန်ပြည်မှ မြန်မာနိုင်ငံသို့ တစ်ကိုယ်တည်း လာကာ အစားဆင်းရဲ အနေဆင်းရဲ ဖြင့် ကျွန်တော်တို့ အား ပညာဖြန့် ဝေပေးသော လူမျိုးခြား ဆရာကြီး၏ စိတ်ဓာတ်ကား ချီးကျူးဖွယ်ရာပင်ဖြစ်တော့သည်။

ကျွန်တော်သည် ဆရာကြီး၏ သင်ခန်းစာများကို အပတ်တကုပ်ကြိုးစားခဲ့သဖြင့် ဆရာ ချစ်သောတပည့်တစ်ဦးဖြစ်ခဲ့သည်။ တွေ့ ဆုံရသော သုံးလတာ ကာလတိုလေးအတွင်ပင်

ဆရာသည် ကျွန်တော်တို့ အား အတော့်ကို ခင်မင်ခဲ့သည်။

တက်ကြွစွာ စာသင်တတ်သော ဆရာ ၊ မြန်မာစကား မပီကလာပီကလာ ပြောတတ်သော ဆရာ ၊ သင်တန်းချိန်နောက်ကျလျှင် ခွင့်ပန်ပြီးမှ စာသင်ခန်းသို့ ဝင်စေသော ဆရာ ။

ဆရာသည် ယခုချိန်တွင် ဂျပန်ပြည်ကြီး၌ ရောက်နေသော်လည်း ကျွန်တော်တို့ မြန်မာလူမျိုး တပည့်များအား မမေ့နိုင်သေးပေ။ ကျွန်တော်က ပြည်ပတွင်ရောက်ရှိနေကြောင်း ၊ ဟိုတယ်တွင် ဧည့်ကြိုကောင်တာတွင် ဂျပန်ဧည့်သည်များနှင့် ရံဖန်ရံခါ တွေ့ ဆုံလေ့ ရှိကြောင်းသိရသော်အခါ တတ်သည့်ပညာမနေသာ သောကျွန်တော်၏ ဂျပန်ဆရာကြီးသည် အင်တာနက်မှတဆင့် ဂျပန်စကားပြောများကို နှူတ်တိုက်ချပေးပါသည်။ ဆရာ့ကျေးဇူးကြောင့် တိုင်းတပါးတွင် ကျွန်တော်သည် မျက်နှာပွင့်စွာ လုပ်ကိုင်နိုင်ခဲ့ချေပြီ ။

ယခုအချိန်တွင် ကျွန်တော်တို့ ၏ ဆက်ဆံရေးသည် သာမန် ဆရာ . တပည့် ဆက်ဆံရေးမဟုတ်တော့ပဲ . တကယ့် မိတ်ဆွေရင်းချာပမာ နွေးထွေးလျက်ရှိပါသည်။

ဆရာ အမြဲပြောလေ့ရှိသည့် . ရာမတို တာမာချီ .. တောင်တန်းကြီးသဖွယ် စိတ်ဓာတ်ခိုင်မာပါစေ ဟူသည့်စကားလေးကို နှလုံးမူလျက် ကျွန်တော်၏ နီပွန် စန်းဆေးကြီး အား ဂါရ၀ပြုလိုက်ရပါသည်။



အထက်မြက်ဆုံး နှင့် အလွှမ်းမိုးဆုံး ဆရာတစ်ဦး

IELTS ဆိုသည့် အင်္ဂလိပ်စာစွမ်းရည်စစ် စာမေးပွဲ အကြောင်းကို လူတိုင်းကြားဖူးကြပေမည်။ ထို့ အတူ ရန်ကုန်မြို့ တွင်လည်း IELTS သင်တန်းပေါင်းမြောက်မြားစွာရှိလေသည်။ ထိုမြောက်မြားလှစွာသော သင်တန်းကျောင်းများအထဲတွင် ကျွန်တော်၏ IELTS ဆရာသည် ရန်ကုန်မြို့ တွင်အစောဆုံး အင်္ဂလိပ်စာသင်တန်းဆရာများ ထဲမှ တစ်ဦးဖြစ်သည်။

ဆရာ့၏ အသက်အရွယ်က လူလတ်ပိုင်းမျှသာ ရှိသေးသော်လည်း IELTS အင်္ဂလိပ်စာ သင်သည့်သက်တမ်းကမူ ဆယ်စုနှစ် နှစ်ခု ကျော် မျှ ရှိလေသည်။

Britian ဗြိတိန်နိုင်ငံမှ Queen Victoria ၀ိတိုရိယ ဘုရင်မကြီးကို ပြည်သူများက ( Born for rule) ဟုဆိုကြသည်။ လူတွေကိုို အုပ်ချုပ်ဖို့ မွေးဖွားလာသည်ဟု ဆိုသည်။

သို့ ဆိုလျှင် ကျွန်တော်၏ IELTS ဆရာကိုလည်း (Born for teach) . တပည့်များကို စာသင်ကြားပေးရန် မွေးဖွားလာခဲ့သည်ဟု ဆိုလျှင် ပိုနိုင်ဖွယ်မရှိပြီ။ ဆရာ၏ လက်ရှိအသက်အရွယ်နှင့် နှိုင်းစာလျှင် သူရရှိထားသော အောင်မြင်မှူ့ တို့ က အထင်ကြီးလေးစားဖွယ်ရာပင်ဖြစ်သည်။

ကျွန်တော့် ဆရာသည် နိုင်ငံခြားကုမ္ပဏီကြီးတစ်ခု၏ ဘာသာပြန်အဖြစ်တာဝန်ထမ်းဆောင်ခဲ့ဖူးသည် ဟု သိရှိရသည်။

ကျွန်တော် ဆရာနှင့် စတင်ဆုံဆည်းကတည်းက အထူးသတိထားမိသည်က အင်္ဂလိပ်စကားကို တကယ့် အင်္ဂလိပ်ကြီးတစ်ယောက် ပြောဆိုနေသည့်ပုံနှယ်။

အမြဲလိုလို Fashion ဖက်ရှင်ကျနစွာ ၀တ်စားဆင်ယင်ပြီးလူငယ်များနှင့် လိုက်လျောညီထွေစွာနေတတ်သည်မှာ ဆရာ၏ ပင်ကိုယ် စရိုက်တမျိုးပင်ဖြစ်သည်။

မြန်မာပီသသော လေးထောင့်စပ်စပ်မျက်နှာ ပေါ်ဝယ်အမြဲလိုလို ချိုမြသောအပြုံးလေးဖြင့် တပည့်များကိုစာသင်ကြားလေ့ရှိသည်။ ညိုညက်သော အသားအရေသည် အားကစားသမားတစ်ဦးပီသစွာပင် စိုပြေလျက် ညက်လှပြာစင် ဟု ဆိုဖွယ်ရှိသည်။ သန်မာထွားကျိုင်းလှသော ခန္ဓာကိုယ်အချိုးအဆစ်သည် ကိုယ်ခံပညာများကိုလိုက်စားထားမှန်းသိသာ စေသည်။

ဆရာသည် သူ၏တပည့်များထဲမှ IELTS စာမေးပွဲကို အမှန်တကယ် ဖြေဆိုမည့်သူများကို အနီးကပ် Special သင်တန်းသဘောမျိုးဖြင့် မိုးလင်းမှ ညနေစောင်း နေ၀င်မိုးချုပ်ချိန်အထိ ကြပ်မတ်သင်ကြားပေးလေ့ရှိသည်။ ကျွန်တော်တို့ သည် ဆရာ၏ သင်တန်းကို တနေကုန်နီးပါးခန့် တတ်ရလေ့ရှိပြီး IELTS သင်ခန်းစာများကို အားသွန်ခွန်စိုက်ကြိုးစားကြရသည။်

ဆရာ၏ ဆုံးမ စကား သည် ဘယ်အရာကို လုပ်လုပ်စိတ်ဓာတ်ပြင်းပြင်းနဲ့ အောင်မြင်အောင်လုပ်ဆိုသည့်အတိုင်း . ခိုင်းသမျှကို တသွေမတိမ်းလုပ်မှကြိုက်သည်။ ဘွင်းဘွင်းရှင်းရှင်းပြောတတ်ပြီး ၊ တပည့်များကောင်းကျိုး၏နှင့် ယှဉ်လာလျှင် အမုန်းခံ ပြီး ဆူပူ ဆုံးမတတ်လေသည်။ စာသင်ခန်းထဲတွင် ကျွန်တော့်အား မင်း ၊ ငါ စသော အသုံးအနှုန်းဖြင့် သုံးလေ့ရှိသော်လည် ၊ နှစ်ဦးတည်း တွေ့ ဆုံချိန်တွင်မူ . ကျွန်တော် ၊ ခင်ဗျာ စသည့်အသုံးအနှူန်းများကို သင့်လျော်သလို ပြောင်းလဲသွားတတ်သည်။

သူ၏ အတွေ့ အကြုံရှိသောသင်ကြားမှူ့ နှင့် ထိရောက်သော Class Management များကြောင့် လစဉ်လိုလို ကျောင်းသားများ၏ စာမေးပွဲဖြေဆိုမှူ့ အဆင့်သည် အထင်ကြီးလေးစားဖွယ်ရာ ရလဒ် များပေါ်ထွက်လေ့ရှိသည်။

IELTS စာမေးပွဲကို ဖြေဆိုကြမည့်သူအများစု၏ ရည်ရွယ်ချက်သည် ပြည်ပနိုင်ငံများသို့ ထွက်ခွာပြီး ပညာဆက်သင်မည့်သူနှင့် အလုပ်လုပ်ကိုင်ကြမည့်သူများသာဖြစ်သည်။

နိုင်ငံခြားသို့ ရောက်လျှင် တပည့်များ ပေါင်းသက်ဆက်ဆံရေးပြေလည်စေရန် ၊ တိုင်းတပါးယဉ်ကျေးမှူ့ ကို နားလည် တတ်စေရန် အနောက်တိုင်း အက ၏ အခြေခံ များကိုလည်း သင်ကြားစေသည်။ Cultural Shock ဟုဆိုရမည့် ယဉ်ကျေးမှူ့ ပဋိပက္ခ များကိုနားလည်စေရန် ရည်ရွယ်သည်။ အနောက်တိုင်းလူယဉ်ကျေး လူကြီးလူကောင်းများ သာ က လေ့ ရှိသည့် Ballroom Dance ဆိုသည်မှာ မိမိ၏ social skill ပေါ်လွင်ထင်ရှားစေသော အကောင်းဆုံးနည်းဖြစ်သည်။

ရေခြားမြေခြားတွင် အရေးကြုံက သက်လုံကောင်းစေရန် . အခြေခံ လက်ဝှေ့ ထိုးနည်းကိုလည်း ကျောင်းသူ . ကျောင်းသား မရွေး ၀ါသနာပါက တတ်မြောက်စေသည။်

ထို့ ပြင် အနုပညာဆန်သော ဓာတ်ပုံရိုက်ချက်များကလည်း အသက်ဝင်လှသလို ၊ ဓာတ်ပုံ နှင့်ပတ်သက်သည့်မှတ်သားဖွယ်ရာများကိုလည်း ပြောပြတတ်သည်။

ကျွန်တော်တို့ အတွက် ဆရာ သည် သာမန် IELTS အင်္ဂလိပ်စာ သင်တန်းဆရာ ဆိုသည်ထက်ပိုမိုသော အရည်အချင်းများနှင့်ပြည့်စုံသူဟု ဆိုရပေမည်။

ကျွန်တော်သည် ဗေဒင် . လက္ခဏာများကို တတ်ကျွမ်းနားလည်မှူ့ မရှိသော်လည်း . ဆရာ က လက်ဟန်ခြေဟန်ဖြင့်စကားပြောတိုင်း ညာဘက်လက်ဖ၀ါးရှိ ထီးရိုး ဟုခေါ်သည့် အောင်မြင်ရေးလမ်းကြောင်းကြီးက ထင်ရှားပြတ်သားစွာ ဖြောင့်တန်းနေသည်ကို အံ့သြဖွယ်ရာတွေ့ ရသည်။ ရှား မှ ရှားသည့် အရည်အချင်းများနှင့် ပြည့်စုံသော အောင်မြင်သည့် ဆရာကောင်းတစ်ဦးဖြစ်သည်။

တပည့်များနှင့် ထမင်းလက်ဆုံ စားရမှ ကျေနပ်သောဆရာ ၊ စာ နှင့်ပတ်သက်လျှင် တိကျသော သံမဏိစည်းကမ်းများနှင့် ထိန်းချုပ်သော ဆရာ ၊ တပည့်များကို အမှန်ပင် ထူးချွန်စေချင်သောဆရာ ။

ဆရာသည် အင်္ဂလိပ် စကားပြောစွမ်းရည်ကို Debate ခေါ် စကားစစ်ထိုးပွဲများဖြင့် တိုးတက်စေသည်။ အခြားသူတစ်ဦးနှင့် အင်္ဂလိပ် လို ပြောကာစကားနိုင်လုရသည့် အလုပ်သည် တကယ့်တော့ မလွယ်ကူလှ ။ ဘာသာစကားတတ်ကျွမ်းမှူ့ ၊ ဗဟုသုတ ကြွယ်ဝမှူ့ ၊ မှင်မောင်းကောင်းကောင်းဖြင့် မကြောက်မရွှံ ပြောနိုင်မှု့ တိုက အဆုံးအဖြတ်ပေးစေသည။်

ဆရာ ၏ ကျေးဇူးကြောင့် ကျွန်တော်သည် စကားပြောလျှင် ချက်ကျ လက်ကျ ပိုင်နိုင်စွာပြောလာနိုင်သည်။ ပြည်ပတွင်ရောက်ရှိပြီး အင်္ဂလိပ်လို ပြောရစေကာမူ . ဆွံ့ အမနေပဲ ကိုယ်မှန်သည့်အရာကို ထင်ရှားအောင်ပြုနိုင်ခြင်းမှာ ဆရာ၏ စကားနိုင်လုပွဲ (Debate)များ၏ အကျိုးကျေးဇူးပင်တည်း။

ပြန်တမ်းတလျှင် အမှန်ပျော်ရွှင်ရသော ရွှေရောင်နေ့ ရက်လေးများပင်တည်း ။ သူငယ်ချင်းအပေါင်းနှင့် လက်ဖက်ရည်ဆိုင် အတူထိုင်ရသည့် အရသာ ကား ငယ်စဉ် အထက်တန်းကျောင်းကို ပြန်ရောက်သွားသည့်နှယ်။

ဆရာ၏ စီစဉ်မှူ့ ဖြင့် Happy New Year Party တွင်လည်း ကျွန်တော်တို့ တစ်သိုက် အပျော်ကြီး ပျော်ခဲ့ကြသေးသည်။ Underground Dance ဟုခေါ်သည့် ဂျွမ်းထိုးမှောက်ခုန် ကရသော အက ကိုလည်း မမောနိုင်မပမ်းနိုင် ယှဉ်ပြိုင်ခဲ့ဖူးသည်။ အဖွဲ့ အစည်းနှင့် Harmony ရှိစွာ အလုပ်လုပ်တတ်စေရန် ရည်ရွယ်သော မြန်မာ ယိမ်းအက ၊ တီထွင်ဆန်းသစ် တတ်သောဥာဏ်ရင့်သန် စေရန် ရည်ရွယ်သော ဟာသပြဇာတ်တိုလေးများကိုလည်း ၀င်ရောက်သရုပ်ဆောင် ကပြ ခဲ့ကြဖူးသည။်

ကျွန်တော် ဘယ်တော့မှ မေ့နိုင်မည် မဟုတ်သော . ချောင်းသား ပျော်ပွဲစား ခရီးသည် ကား ကျွန်တော့်ဘ၀၏ အမှတ်တရအရှိဆုံး ခရီးတစ်ခုဖြစ်သည်။ ညဘက်ကြီး ဂဏန်းတွင်းများ လိုက်နှိုက်ခဲ့ကြပုံ ၊ သောင်ပြင်ဘောလုံးပွဲများ ၊ ကျောက်မောင်နှမဆီသို့ ခြေကျင်ခရီး စသည်တို့ သည်ကား နောင်ဘယ်တော့မှ ပြန်ရတော့မည် မဟုတ်သော လူငယ်ဘ၀ အတွေ့ အကြုံများပင်တည်း ။

ကျွန်တော့်ဘ၀တွင် ယခုလို ဘက်စုံပြည့်စုံသော ဆ၇ာသည်ကား လွန်စွာရှားသည့် ပုဂ္ဂိုလ်ထူးတစ်ဦးနှယ် ။ ဆရာသည် Physical and social development ဟုခေါ်သည့် လူငယ်တစ်ဦး တွင်ရှိသင့်သည့်အရည်အချင်းများကို အချိန်တိုလေးအတွင်း အထိရောက်ဆုံး သင်ကြားပေးနိုင်သည့် အာဂ ဆရာ ပင်ဖြစ်တော့သည်။

ထို့ ကြောင့် အာစရိယ ဆရာသခင်များကို မေတ္တာပို့ တိုင်း ဤ IELTS သင်တန်းဆရာသည် ထိပ်ဆုံးမှ ပါဝင်လေတော့သည်။





မြောက်မြားလှစွာ မြတ်ဆရာ



ငယ်စဉ်တုန်းက ပိန်လိန်ကြုံလှီသော ခန္ဓာကိုယ်ဖြင့် လူတကာ အနိုင်ကျင့်မှူ့ ကို ခံခဲ့ရသည်။ ထို့ ကြောင့် Y.M.C.A မှ ကာရာတေး ကိုယ်ခံပညာ သင်ကြားပေးသော ဆရာ၏ ကျေးဇူးကိုလည်း ပြန်ပြောင်းအောက်မေ့မိပါသည်။



ဘုန်းကြီးကျောင်းပညာဒါနမှ စီးပွားဖြစ်စားသောက်ကုန်ထုတ်နည်းသင်တန်း ကိုလည်း တတ်ဖူးသည်။ ရေခဲမုန့် တစ်ခွက် ဖြစ်လာပုံကို စာတွေ့ လက်တွေ့ လေ့လာဖူးသည်။ သူငယ်ချင်းများနှင့် စုပေါင်းဝိုင်ဖွဲ့ ကာ တပျော်တပါး ဒံပေါက် ထမင်း ချက်ဖူးသည်။ ဆရာကြီး၏ အိတ်သွန်ဖာမှောက် ဆရာစားမချန်သင်ကြားပေးမှူ့ ကြောင့် . ဖျော်ရည်မျိုးစုံအကြောင်းကိုလည်း အတော်အတန် တီးခေါက်မိခဲ့သည်။



ငါးဖောင်ရိုး ပလွေရိုး ပုံစံလေးမှ Y.M.C.A မှ အလေးမ (၀ိတ်မ)ဆရာ တို့ ၏ လမ်းညွှန်ပြသပေးမှူ့ ကြောင့် ယနေ့ အချိန်တွင် ကာယဗလမောင်တစ်ဦးနှယ် ကြွက်သားအဖုအထစ်တို့ဖြင့် ရင်သပ်ရှူမောဖွယ် မဖြစ်သော်လည်း အတော်အတန် ကြံ့ခိုင်၍ ၊ ယောက်ျားပီသသည့် အချိုးအစားတစ်ခု ကို ရရှိခဲ့လေပြီ။



တိုင်းခြား လူမျိုး ဘာသာစကား တတ်ထားမမှားပေ ဆိုသည့်အတွက် ကြောင့်လည်း ခေတ်စားသော နိုင်ငံခြားဘာသာစကားတို့ ကို အထိုက်အလျောက်လေ့လာဖူးသည်။

သူငယ်ချင်းများက ပြောလေ့ရှိသည့် .. ဝေါ အိုက် နီ ဆိုသည့် ဘာသာစကားကို တတ်သိချင်လွန်းသဖြင့် တရုတ်စာ ၊ စကား အခြေခံတို့ ကို သင်ကြားခဲ့ဖူးသည်။

မြန်မာပြည်တွင် ခေတ်စားလျက်ရှိသော ကိုးရီးယားရုပ်ရှင်များကြောင့် . ဂ န ဒ ရ မ ဘ စ ဟူသော ကိုးရီးယားဘာသာစကားကိုလည်း တီခေါက်လေ့လာမိ၏။



ဝါသနာအရ တတ်ခဲ့သော ချက်ပြုတ်နည်း စာဖိုမှူးသင်တန်းတွင်လည်း သင်တန်းဆရာကြီး၏ အနီးကပ် ပြသပေးမှူ့ တို့ ကြောင့် အရသာ ထူးကဲလှသော ဟင်းအမယ်များကို ကိုယ်တိုင်စီမံနိုင်စွမ်းရှိလာချေပြီ ။



ထို ဆရာတို့ သည် ကျွန်တော့်အား သူတို့ ၏ ပညာမြတ်ကို လက်ဆင့်ကမ်း ဖြန့် ဝေခဲ့ကြသူများဖြစ်သည့် သင် ဆရာ များဖြစ်ပေသည်။

ထိုသို့ များပြားလှသော ဆရာကောင်း ဆရာမြတ်တို့ ၏ကျေးဇူးကြောင့် ယနေ့ အချိန်တွင် ပညာရဲရင့် ပွဲလယ်တင့် ခဲ့ရပေပြီ။

ယနေ့ ပညာခေတ်တွင် အဆင့်အတန်းရှိရှိ ရပ်တည်နိုင်ရန်မှာ စဉ်ဆက်မပြတ်သင်ယူမှူ့ ဟုခေါ်သည့် Life-Long learning ရှိသင့်သည်။ လေ့လာသင်ယူမှူ့ ဟူသည် ဘယ်သောအခါမျှ ကုန်ဆုံးသွားခြင်းမရှိစေရ ။



ငယ်စဉ်ကာလ ကလေးဘ၀က ဘောလုံးကန်တိုင်း အနိုင်ကျင့်တတ်ပြီး အမြဲ ဗိုလ်ကျတတ်သည့် ငယ်သူငယ်ချင်းကို ယခု အချိန်ပြန်စဉ်းစားကြည့်လိုက်သောအခါ သူသည်လည်း မိမိအား အရှံး ဆိုသည့် သင်ခန်းစာ စာမျက်နှာကို နားလည်စေခဲ့သူ ဟု မှတ်ယူမိပါသည်။ သူ့ ကြောင့်သာ အနိုင် ရခြင်း၏ ချိုမြိန်မှူ့ နှင့် ရှံးနိမ့်ခြင်း ၏ ခါးသီးမှူ့ တို့ ကို တွေ့ ကြုံခံစားဖူးလေသည်။ သူသည်လည်း ဘ၀သင်ခန်းစာ၏ ဆရာ တစ်ဆူဟု မှတ်ယူလိုက်ပါသည်။



တစ်ဦးတည်းသာ ရှိခဲ့ပြီး . တစ်ကြိမ်တည်းသာ ချစ်ခဲ့ဖူးသူ တစ်ယောက်က နားမလည်နိုင်လောက်အောင်ပြောင်းလဲသွားသောအခါ ပြင်းပြစွာပူဆွေးဝမ်းနည်းခဲ့ရပါသည်။ သေချာစွာ စဉ်းစားကြည့်ပါမူ သူသည်လည်း ချစ်ခြင်း ၊ မုန်းခြင်း စသည့် နှလုံးသားသင်ခန်းစာတို့ ကို လက်တွေ့ ပြသပေးသူဟု မှတ်ယူလိုက်ပါသည်။

၁၅၀၀ ကိလေသာ ချစ်ခြင်း၏ ပူလောင်မှူ့ နှင့် ရက်စက်သောအမုန်း ၏ ပူဆွေးမှူ တို့ ကို နားလည်ခဲ့ရပြီ မဟုတ်ပါလော ။ သူသည်လည်း ဘ၀ တက္ကသိုလ်တွင် အရေးပါသော သမုဒ္ဒယ သင်ခန်းစာ တစ်ပုဒ်ကို ပြသပေးခဲ့သည် မဟုတ်ပါလော။

အချုပ်အားဖြင့် ဆိုပါမူ . ကျွန်တော်တို့ သည် မွေးစ မှ သေသည် အထိ ဘ၀ တက္ကသိုလ်၏ ပညာသင်သားများ ဖြစ်ကြသည်။ အစဉ်သဖြင့် မသိမှူ့ နယ်ပယ် မှ သိမှူ့ နယ်ပယ်ဆီသို့ ကြိုးစားလျှောက်လှမ်းကြရာတွင် နယ်ပယ်အသီးသီး၌ ဆရာ ဟူသည့် လူတန်းစားကြီးက အနန္တမေတ္တာဖြင့် ဖေးမ ကူညီလျက်ရှိကြသည်။

ထို့ ကြောင့် ကျေးဇူးတော် အသေင်္ချ ဖြင့် မြင့်မြတ်လှသော ကျွန်တော်တို့ ၏ မြတ်ဆရာများကို ဤ ဆောင်းပါးလေးနှင့် အတူ နှလုံးသားဖြင့် ဂါရ၀ပြုရင်း

ဆရာ့ကျေးဇူးမြင့်မိုရ်ဦး အထူးကျေအောင် ဆပ်ပါမည်။



ကောင်းသထက်ကောင်းအောင်ကြိုးစားနေမည့်

ဇော်ပြည့်