အောက်တိုဘာ ၁ ရက်နေ့ ..အပြည်ပြည်ဆိုင်ရာ သက်ကြီးရွယ်အို များ နေ့ ကို ဂုဏ်ပြုလျက် .. ပြောချင်နေတဲ့..ကျွန်တော့် ရဲ့ အဖွား အကြောင်း

International Day of Older Persons 1 October

အောက်တိုဘာ ၁ ရက်နေ့ ..အပြည်ပြည်ဆိုင်ရာ သက်ကြီးရွယ်အို များ နေ့ ကို ဂုဏ်ပြုလျက်






သာယာသော ညနေခင်း တခု..ရွှေတိဂုံ ဘုရား .၀ိဇ္ဖာ တန်ဆောင်း

မျက်နှာမူရာရှေ့ တည့်တည့်ရှိ ရုပ်ပွားတော်မြတ်ကြီးကို ရှိခိုး ပြီး အာရုံခံ တန်ဆောင်းထဲမှာ တရားထိုင်းရင် အနောက်ဘက်ဘုရားစာ ရွတ်သံကို တိုးတိုး လေးကြားလိုက်မိပါတယ်။

အမယ်အိုကြီး တစ်ယောက်ရဲ့ အသံ တုန်တုန် နဲ့  ရွတ်ဆိုနေတဲ့ အသံ လေးပါ။ တဖြည်းဖြည်း အာရုံစိုက်နားထောင်ရင်း သတိထားမိတာက.. ဘုရားစာ ရွတ်သံ.. ဒီလိုမျိုး အသံနေ ၊ အသံထား နဲ့  ရွတ်သံမျိုး ကို စိတ်ထဲရင်း နှီး နေသလို ပါပဲ။

အတန်ကြာ ပုတီးစိတ် လို့ ပြီးတော့ ကိုယ့်နေရာကနေ ထဖို့ လုပ်ရင်း အနောက်ဘက်နားဆီက အမယ် အိုကြီးကို ရုတ်တရက် လှမ်းကြည့်လိုက်မိပါတယ် ။

မျက်နှာ ပေါ်က ဇရာ ရဲ့ အထိမ်းအမှတ် အရေးအကြောင်း လေးတွေ ။ တခေါင်းလုံး စွတ်စွတ်ဖြူနေတဲ့ ဆံပင်ဖြူ လေးတွေ ။ တင်းရင်း မှူ မရှိ ပကတိ လျော့တိလျော့ ရဲ တွဲကျနေတဲ့ လည်ရစ် တွေက အမယ်အိုကြီးရဲ့ အသက် ကို ခန့် မှန်း လို့ ရတဲ့ အနေအထား လေးတွေ ပါ ။

အထူးသဖြင့် သူ ရွတ်ဆို သွားတဲ့ ဘုရား စာ သံပေါက် မျိုးဟာ ကျွန်တော့်အတွက် တော့ တကယ့်ကို ရင်းရင်းနှီးနှီး ရှိနေပါတယ် ။ သူ့ ရဲ့ မျက်နှာပေါက်ကလည်း ကျွန်တော့် ကို ဆွဲဆောင်မှူ အပြည့်ရှိနေပါတယ် ။

ကျွန်တော့် အတွက်တော့ ဟောဒီ အမယ်အိုကြီးကို ခပ်လှမ်းလှမ်းကနေပြီး အချိန်အတန်ကြာ စောင့်ကြည့်နေမိပါတယ် ။ စိတ်ထဲကလည်း တူလိုက်တာ.. သြော် တူလိုက်တာ နော် လို့ ပြောနေမိပါတယ်။



ဘာကို တူလိုက်တာလဲ။ ဘယ်သူ နဲ့ တူနေလို့ လဲ …

ဟုတ်ပါတယ် ။ တူလိုက်တာ ဆိုတာက ကျွန်တော် သိပ်ချစ်ခဲ့ ရတဲ့ ကျွန်တော့် ရဲ့ အဖွား နဲ့ တော်တော်လေးကို တူလို့ ပါ ။

သြော်…….ဘာလိုလို နဲ့ .အဖွား ဆုံးသွားတာ ၅ နှစ် တောင် ကျော်လာပါပြီကော..

ကျွန်တော့်ရဲ့ ကျေးဇူးရှင် အဖွားပါ။ သတိရ စရာ အကြောင်းအရာတွေ တိုက်ဆိုင်တိုင်းလည်း သတိရလေ့ရှိပါတယ် ။



လူတိုင်းမှာတော့ အဖေဘက် အဖိုးအဖွား နဲ့ အမေ ဘက် က အဖိုးအဖွား ဆိုပြီး အဖိုးအဖွား စုစုပေါင်း ၄ ယောက် တော့ ရှိစမြဲပါပဲ ။ တချို့ တွေကတော့ ကိုယ့် အဖိုးအဖွားတွေက သိမှီ လိုက်ပြီး အတူနေခွင့်ရလိုက်ကြပါတယ်။ တချို့ ကတော့လည်း အသက်ကြီးလို့ ကံကုန် သွားလို့  ဓာတ်ပုံလောက်ကိုသာ တွေ့ မြင်ဖူးလိုက်တဲ့ သူ တွေ လည်း ရှိပါတယ်။

ကျွန်တော်ကတော့ လူ ရယ်လို့ ဖြစ်လာကတည်းက အဖိုးအဖွားတွေကို သိမြင်ခွင့်ရလိုက်ပါတယ် ။ ဒါပေမဲ့ ကျွန်တော် ငယ်ရွယ် စဉ်ကတည်းက တစ်ယောက်ပြီးတစ်ယောက် ကံကုန် လို့ ကွယ်လွန် သွားကြတာ..နောက်ဆုံးမှာတော့ ထီးထီးမားမား ရယ်လို့  အဖေ ဘက် က အဖွား တစ်ဦး သာ ကျန်ရှိပါတော့တယ်။

သူနဲ့ ပဲ ကျွန်တော် ၁၀ တန်း အောင်လို့  တကသိုလ် ဘွဲ့ ရ ခါနီး အချိန်အထိ အတူ နေလိုက်ရပါတယ် ။ ဒီတော့ သူ့ ရဲ့  ငယ်ဘ၀ အကြောင်းတွေ ။ သူနဲ့ သူ့ ပတ်ဝန်းကျင်ကလူတွေ ရဲ့  အကြောင်းတွေ . သူ တို့ ခေတ် က လူနေမှု့ ဘ၀ အကြောင်းတွေ ပါ အဖွား ဆီကတဆင့် ကြားနာ မှတ်သား လိုက်ရပါတယ်။

အသက်ကြီးပေမဲ့ မပျက်စီးသေးပါ ဆိုတဲ့ စကား လေးဟာ ကျွန်တော့် အဖွားအတွက် ဖြစ်ပါလိမ့်မယ်။ တခြား အမယ် အိုကြီးတွေလို မှတ်ဥာဏ်တွေ လျော့ရဲ ပြီး ငယ်က အကြောင်းတွေ မမှတ်မိတော့ လောက် တဲ့ အဖြစ်မျိုးလည်း မရှိပါဘူး ။ အမြဲလိုလိုသူ့ ဖြတ်သန်းခဲ့ရတဲ့ ငယ်ဘ၀ ပုံရိပ်တွေကို မှတ်ဥာဏ်ကောင်းကောင်းနဲ့  ကျွန်တော့်ကို ပြောပြလေ့ရှိပါတယ်။

ဒါတွေ ဟာ တချိန်မှာ တန်ဖိုးရှိလာမဲ့ သမိုင်းရဲ့  ပုံရိပ်တွေပါ။

ပြောရင်းနဲ့ သတိရ လာပါတယ် အဖွားရယ်…



အဖွား ဟာ ငယ်စဉ်ကတည်းက ပြည့်ပြည့်စုံစုံ နေခဲ့ရတဲ့ ရဲဝန်ထောက်ကြီး တစ်ဦးရဲ့ သမီးကြီးပါ ။
သူတို့ မှာ ညီအစ်မ နှစ်ယောက်ရှိပါတယ် ။ သူကတော့ အကြီးပါ။ ငယ်စဉ်ကတည်းက မိတဆိုးလေးဖြစ်ခဲ့တော့ ဖခင် ရဲ့ အလိုလိုက်မှုကို ခံခဲ့ရပါတယ်။ ဒါကြောင့် အတန်းပညာကို သေချာ စိတ်မ၀င် စားပဲ အပျော်ဖတ် ၀တ္တုစာအုပ်တွေနဲ့ သာ အချိန်ကုန်ခဲ့ လို့  ပညာ ရေး ကံမကောင်းခဲ့ပါဘူး။
တက္ကသိုလ် က ပေးတဲ့ ဘွဲ့ လက်မှတ် တွေကို မရပေမဲ့  အဖွားဟာ လူမှူပေါင်းသင်းဆက်ဆံရေး နယ် ပယ် မှာတော့ တကယ့်ကို ဆရာ တစ်ဆူပါပဲ ။ ဘယ်လို လူကို ဘယ်လို ပေါင်းသင်းရမယ် ။ အချိန်တိုလေးအတွင်း မှာပဲ သူစိမ်းတစ်ယောက် ကို ဘယ်လို ရင်းနှီး မှူရအောင် လုပ်ရမလဲ ဆိုတာ သူ့ ရဲ့ မွေးရာပါ ဗီဇ အရ ကောင်းကောင်းသိပါတယ် ။

ခေတ်စကားနဲ့ ပြောရရင် . အထူအပါး နားလည် တယ် လို့ ခေါ်ပေမပေါ့။

ကျွန်တော် သိတဲ့အရွယ် မှာတော့ အဖွား အဓိက ဆက်ဆံပေါင်းသင်းနေရတဲ့ လူတွေ ဟာ သူ့ ထက်ကို ငယ်ရွယ်တဲ့ သူတွေ များပါတယ်။ သူနဲ့ တန်းတူ . သက်ရွယ်တူ တဲ့ လူတွေ ကတော့ မရှိတော့တာ ကလည်းတစ်ကြောင်း ။ ရှိတဲ့ သူတွေ ကျတော့လည်း သူ့ လိုမျိုး ကျန်းမာရေးက ဒေါင်ဒေါင်မြည် မဟုတ်လေတော့ အိမ်တွင်းမှာပဲ အနေများဟန် တူပါတယ်။

ဒါကြောင့် ငယ်ရွယ်သူတွေဟာ သူ့ ကို အသက်အရွယ် ကြီးမြတ်မှူ အရ အလိုလို ဂါရ၀ တရား ထားပြီးသာပဲ ဖြစ်ပါတယ်။ ဒီတော့ သူ့ ဘက်ကလည်း လူတစ်ယောက်ကို မြင်လိုက်ပြီဆိုတာနဲ့ ကျန်းမာပါစေ. ချမ်းသာ ပါစေ . လိုအင်ဆန္ဒ ပြည့်ပါစေ စသဖြင့် ဆုတွေ တသီကြီး . ဆုတောင်းပေးလေ့ရှိပါတယ်။ ဒီတော့ လူတိုင်းအားလုံးလိုလိုကတော့ အဖွားကို ချစ်ခင် ကြတာ မဆန်း ပါဘူး ။

ကိုယ်နဲ့ သိတဲ့သူတွေကိုသာမဟုတ် ၊ မသိတဲ့ တစိမ်းတွေကိုလည်း ခပ်တည်တည်နဲ့ ပဲ ဆွေမျိးရင်းချာ တစ်ယောက်လို ပြောဆို ဆက်ဆံပါတယ် ။

မှတ်မိပါသေးတယ် .. အဲဒီတုန်းက အဖွားနဲ့ ဆွေမျိုးတသိုက် ရွှေတိဂုံ ဘုရားကို သွားဖူးကြတယ် ။ ကျွန်တော်ကတော့ ကျောင်းတတ်နေရလို့ မလိုက်ဖြစ်ပါဘူး။ ပြန်လာမှ အဖွားပြောပြတာက....အဲဒီနေ့ က. ဘုရားပေါ်မှာ လူတွေက ရှင်း ပြီးတော့ နေပါတယ် ။ ဘာဖြစ်လို့ လဲ ဆိုတော့( S 1 ) လာမှာမို့ လို့ တဲ့ … ထိုစဉ်က တန်းခိုး ထွားခဲ့တဲ့ အတွင်းရေးမှူး ၁ လို့ လူသိများတဲ့ ဗိုလ်ချုပ် ခင်ညွန့် ပါ.

ခပ်လှမ်းလှမ်းက ဘုရားဝတ်ပြုနေတုန်း ဗိုလ်ခင်ညွှန့် တို့ တသိုက် ဘုရားပေါ်ကိုတက်လာပါတယ်။ ဒီတော့ ကျွန်တော့် အဖွားက တစ်ယောက်တည်း သူတို့ အဖွဲ့ နားကိုသွား ပြီး . ဗိုလ်ခင်ညွှန့် ကို ခပ်တည်တည် နဲ့ လက်ဆွဲ နှုတ်ဆက်လိုက်ပါတယ်။ အနားမှာရှိတဲ့  ထောက်လှမ်းရေး အစောင့်တွေကိုလည်း ဂရုစိုက်ပုံမပေါ်ပါဘူး.. တကယ့်ကို ရင်းရင်းနှီးနှီးနဲ့ .. ( သား ရယ် မင်းကိုလေ အဘွား က. တီဗွီ ထဲမှာနေ့ တိုင်းတွေ့ ပြီး နေ့ တိုင်း မေတ္တာ ပို့ ပေးနေတာ ) လို့  ပြောလိုက်ပါတယ် ။ ဒီတော့  .ဗိုလ်ခင်ညွှန့် ကလည်း ရိုရိုသေသေနဲ့ ပဲ . ကျေးဇူးတင်ပါတယ် ခင်ဗျာ လို့  ပြန်ပြောသတဲ့…

ဒီနေရာ မှာ ကျွန်တော့် အဖွား ဟာ နိုင်ငံ ခေါင်းဆောင်မို့ လို လက်ဆွဲ နှုတ်ဆက် ချင်လို့  . ဖော်လံ ဖား ပြီးတော့ ၀င်ရောက်နှူတ်ဆက် တယ် လို့ ထင်နိုင်ပါတယ်။ ဒါလည်း မှန်သင့် သလောက်တော့ မှန်ပါတယ်။

လူဆိုတာ မျက်နှာ ကြီးရာ ဟင်း ဖတ်ပါ စမြဲပဲလေ။ ရာထူး ကြီး သြဇာကြီးတဲ့ သူကို . လူတိုင်း ခင်မင် နှူတ်ဆက်ချင် ကြတာ မဆန်း ပါဘူးနော်.

ဒါပေမဲ့ . ကိုယ်မသိတဲ့ လူတစ်ယောက် ကို ဖက်လှဲတကင်း ရင်းရင်းနှီးနှီး နှူတ်ဆက်ဖို့ နဲ့ အဲဒီလူဟာ တန်းခိုး သြဇာ အမတန်ထွားတဲ့ လူ ဖြစ်နေရင် . သာမန် လူတစ်ယောက်အနေနဲ့ ဝင်ရောက်နှုတ်ဆက်ဖို့ ဘယ်လိုမှ မဖြစ်နိုင်ပါဘူး။ .

ကျွန်တော့် ကတော့ ငါ့ အဖွားက ဗိုလ်ခင်ညွှန့် အဆင့် နဲ့ မှ..စကား ပြောတာကွ လို့ ကြံဖန် ဂုဏ်ယူနေမိပါသည်။
(သြော်.. အဖွားရေ.. အခုတော့ အဖွားရဲ့ မင်းသားကြီး မောင်ညွှန့်  လည်း..မင်းခစား ကမ်းနား သစ်ပင် ဖြစ်သွားတယ် ဆိုတာ..အဖွား မှ..သိသွားပါလေ..စ)


. မယုံရင် သူငယ်ချင်းတို့ လည်း အခုချိန်မှာ . ဒါမျိုး ပုဂ္ဂ္ဂိုလ် တစ်ယောက်ကို ခပ်တည်တည်နဲ့ ကျွန်တော့် အဖွားလုပ်သလို လုပ်ရဲ ပါ့မလား ၊. မထင်ပါဘူးနော်။ . ဒါပေမဲ့ .. အဖွားကတော့ လုပ်ရဲ ခဲ့တယ် ၊ လုပ်လည်း လုပ်ခဲ့ပါတယ်။ အသက်အရွယ် ကြီးမြတ်မှူနဲ့ ဟိုဘက်ကလည်း လိုက်လိုက်လျောလျော ပြန်လည်ဆက်ဆံ ခဲ့ ဟန်တူပါရဲ့ ..

နောက်ထပ် တစ်ယောက်ကတော့ . နိုင်ငံခေါင်းဆောင် မဟုတ်ပါဘူး. ရုပ်ရှင်သရုပ်ဆောင်ထဲကပါ.. အမေ ခန်း အဖွားခန်းတွေ မှာ အမြဲ လိုလို ပါတတ်တဲ့..နွဲ့ နွဲ့ စန်း ဆိုတဲ့ ရုပ်ရှင်ဇာတ်ပို့ သရုပ်ဆောင်တစ်ဦးပါ။

အလှူအိမ်တစ်အိမ်ကိုသွားရင်းနဲ့  တွေ့ ကြတာပါ။ အဖွားရဲ့ အနားမှာ ကျွန်တော် ကအမြဲထိုင်လေ့ရှိပြီး အဖွားရဲ့ စလင်းဘတ် အိတ်နဲ့ တဘက်လွှမ်း ပ၀ါကို အမြဲ ကိုင်ပေးရပါတယ်။ စားသောက်ပြီးလို့ ဧည့်ခန်းက ဆိုဖာ မှာ ထိုင်နေရင်း . အဲဒီ . (ဒေါ်)နွဲ့ နွဲ့ စန်း ကလည်း ထွက်လာတော့.. အဖွားက..ခပ်တည်တည်နဲ့ … (.အစန်းရေ. ကြည့်ရတယ်နော်. သိပ်ကြိုက်တာ . အားပေးတယ်နော်.) .စသဖြင့် စကားတွေ ဖောင်ဖွဲ့ ပြီးပြောနေလိုက်တာ တကယ့်ကို . မိတ်ရင်းဆွေချာ လို ပါပဲ။ ကျွန်တော်ကိုယ်တိုင်တောင် သူတို့ နှစ်ဦး က. အရင်ကတည်းက ခင်မင်ရင်းစွဲ ရှိ ဖူး တယ်လို့ ထင်မြင်မိပါတယ်။ .


နောက်တော့မှ..သေချာမေးကြည့်တော့

.. အရင် တုန်းကတော့ လူချင်း မတွေ့ ဖူးကြောင်း .. သူ့ ကို သိတယ် ဆိုတာကလည်း တီဗွီ ထဲမှာ အမြဲလိုလို တွေ့ နေရလို့ . ရင်းနှီး နေတယ်လို့ အဖွားက ပြန်ပြောပြပါတယ်.. ဟိုဘက်ကလည်း အနုပညာ သမားဆိုတော့ ပရိသတ် တွေ ကအများသား .ဒီတော့ တွေ့ တဲ့လူနဲ့ ပြေပြေပြစ်ပြစ် ဆက်ဆံရင်း အဖွားနဲ့ စကားလက်ဆုံ ကြသွားပုံ ရပါတယ်။



သြော်…အဖွားရယ်...တီဗွီ ထဲမှာ တွေ့ ဖူးတိုင်း အပြင်မှာရင်းနှီး ကြစတမ်း ..ဆိုရင်တော့.. ကျွန်တော်လည်း .မိုးဟေကို နဲ့ ရင်းနှီးချင်လိုက်တာနော်.. ဒါပေမဲ့ ..အဖွားလိုတော့ ရုပ်တည်နဲ့  မ၀င် တတ်တော့ ခက်ပါတယ်ဗျာ… (ဒါကတော့ ကြုံတုန်းလေးပေါ့)။။

နောက်ထပ် တစ်ခု ကတော့ သူ့ ရဲ့ ဒေါသ ကို . အများ အမြင်မခံပဲ . ဟန်ဆောင် လောကွက် လေး တစ်ခုပါ။

အဖွားဟာ ကိုယ်ပိုင်တိုက်ခန်းတွေကို နှစ်ချုပ်နဲ့ ဌား စား တဲ့ အခန်းရှင်၊တိုက်ရှင်တစ်ဦးပါ။

နေ့ စဉ်ဆိုသလို . အခန်းဝယ်နေတဲ့သူတွေ ၊ ဌားနေတဲ့သူတွေ နဲ့ ပြောဆိုဆက်ဆံရပါတယ်။

အဲဒီလို အခန်းဌား တွေထဲမှာ အဆင်ပြေတဲ့သူတွေ ရှိသလို ၊ အဆင်မပြေတဲ့သူတွေ လည်း ပါစမြဲပါ။

အိမ်ဌားမိသားစု တစ်စု ဆိုရင်.. ငွေကြေးကလည်း သိပ်အဆင်မပြေလေတော့.. သူတို့ ရဲ့ နေ့ စဉ် ဈေးဖိုးကိုတောင် အဖွားဆီကနေ မကြာခဏ ဆိုသလို ချေးယူလေ့ရှိပါတယ်။ လူချင်း ခင်မင် ရင်းနှီး လေတော့ လည် အဖွားဘက်က ခပ်လွယ်လွယ် ပဲ ချေးဌား ပေးတတ်ပါတယ်။

ဒီလိုနဲ့ . ကျွန်တော်တို့ ဘက် က . ငွေ လို လို့ .အဲဒီအခန်းကို ရောင်းချဖို့ စီစဉ်လေတော့ . လက်ရှိ အခန်းဌား နေတဲ့ မိသားစုကပဲ

သူတို့ ဝယ်ယူမည့်အကြောင်း . အခြားမည်သူ့ ကိုမျှ မရောင်းချပဲ သူတို့ ကိုသာရောင်းချရန် . မကြာမီ သူ တို့ ရဲ့ အမွေဆိုင်အိမ်ကြီးကို ရောင်းချပြီး အဖွားရဲ့ တိုက်ခန်းကို အပြီး ၀ယ်ယူမှာဖြစ်တယ်လို့  လာရောက်ပြောဆိုကြပါတယ်။

စဉ်းစား ကြည့်ပါ အဆွေတို့ ….

နေ့ စဉ် ဈေးဖိုးကိုတောင် လုံးပန်း နေရတဲ့ မိသားစု . က သိန်းပေါင်းများစွာတန်တဲ့ တိုက်ခန်းကို ၀ယ်ယူမယ်ဆိုတော့. အဖွားဘက်ကလည်း . ဘယ်လို လုပ် ယုံကြည်ပေးလို့ ရနိုင်ပါမည်နည်း။

အကယ် ၍.. ငွေကြေး တစုံတရာ အဆင်မပြေပါက. စရံသဘော ၁၀ သိန်း ၁၅ သိန်းကိုသာ ပေးချေ ပြီး အိမ်ပေါ်က မဆင်းတော့လျှင် ကိုယ်ကျိုးနည်းဖို့ ရန်သာ ရှိတော့သည်။ သူတို့ က လက်ရှိနေထိုင် နေတဲ့သူ …တရားတဘောင်ဖြစ်လို့ .ရုံးရောက် ဂတ်ရောက်ဆိုလျှင်လည်း မကောင်း သာ ရှိတော့မည်။

ဒီတော့ အကောင်းဆုံးကတော့ တကယ် ငွေ ပေး ပြီးဝယ်နိုင်မဲ့ သူမျိုးကိုပဲ စိတ်အေးလက်အေး နဲ့ ရောင်ချလိုက်ပါတော့တယ်။

ဒီသတင်းကို ပွဲစား တွေ ကတဆင့် . လက်ရှိအခန်းဌား နေတဲ့သူ ကလည်း သိ ရော ယမ်းပုံမီးကျ ဒေါသ ထွက်ပါလေရော။

ဒါဟာ သူ တို့ ကို တမင်သက်သက် အထင်သေးတာ ။ ၀ယ်မယ်လို့ ပြောထားရက်နဲ့ တခြားသူကိုရောင်းလိုက်တယ်။

စာချုပ်သက်တမ်းပြည့်ရင် တိုက်ပေါ်က ဆင်းပေးဖို့ ဆိုတာကလည်း ချက်ချင်း ကြီးအဆင်မပြေနိုင်ကြောင်း. အကြပ်ကိုင်ပါတော့တယ်။

ဒီတော့ ကျွန်တော်တို့ ဘက်ကလည်း အကြပ်ရိုက်ရပါတယ်။ ဒီမိသားစုကို ဘယ်လို နှင်မလဲ။ ဘာပြသနာမှ မတက်အောင် အကောင်းဆုံးနည်းကတော့ . သူတို့ နဲ့ ညှိနှိုင်းပြီး ပြောင်းရွေ့ ခ သဘော ငွေကြေးတစုံတရာ ပေးလိုက်ရင်တော့ အဆင်ပြေနိုင်ကောင်းရဲ့ လို စဉ်းစာမိကြပါတယ်။

နောက်ဆုံးတော့ သိန်းဂဏန်း ရှိတဲ့ ငွေပမာဏ ကိုပေးဖို့ သဘောတူလိုက်ရပါတယ်။ လွန်ခဲ့တဲ့ ၁၀ နှစ်ကျော် လောက်တုန်းက ငွေ ၂ သိန်းကျော် ဟာ တော့်တော့်ကိုတန်ဖိုးရှိပါတယ်။ သူတို့ ဌားနေတဲ့ နှစ်ချုပ်စာ တ၀က် ကျော်လောက်ကိုပြန်ယူသွားကြတဲ့ သဘောပါပဲ။

ဒီတော့ အသက် ၈၀ ကျော် အဖွား ဟာ မထွက်စဖူး ဒေါသ တွေ ထွက်လာပါတော့တယ်။

လောကမှာ ဓား ဆိုတာ အသွားနှစ်ဘက် ရှိတတ်ပါတယ်။ အမြဲလိုလို ဆုတောင်းမေတ္တာပို့ တတ်တဲ့သူဟာ လည်း သူ့ စိတ်တိုင်းကျ မဖြစ်တော့တဲ့အခါမျိုးကျရင်
သူ့ ရဲ့ ဝသီ အတိုင်းပဲ . ပြန်လည်ပြီး သဘောဆိုးနဲ့ မေတ္တာ ပို့ တတ်ပါတယ်.

လူဆိုတာ ကောင်းတာ ရှိသလို . ဆိုးတာလည်း ရှိစမြဲပါ ပဲ.. လူတိုင်း နဲ့ ချစ်ခင်တဲ့အဖွားမှာလည်း ဒေါသထွက်တဲ့အချိ်န်ကျရင် ဒီလိုမျိုးလေးတွေ ရှိတတ်ပါတယ်.

အမျက်ဒေါသ ထောင်းထောင်းထ နေတဲ့ အဖွား ဟာ ... မကျေမချမ်း နဲ့ ပွစိပွစိ ပြောနေတုန်း.. အခန်းပေါ်ကို ပြောင်းပေးဖို့ .. သော့ လာအပ်တဲ့ . အဲဒီ မိသားစုကိုလည်း တွေ့ ရော ချက်ချင်း မျက်နှာ ပြောင်းပြီး..

သမီးကြီးရေ.. အဖွားလည်း စိတ်မကောင်းဘူးနော်။

သမီးကြီးတို့ နဲ့ ဒီလောက် အတူနေပြီးမှ..ခွဲရတော့မယ်။ . ဟို.လေ.. အဖွားကို ဘာမျှ စိတ်မကွက်နဲ့ နော်.. အရင်လို ပဲ ခင်မင် နိုင်ပါတယ်။ သမီးကြီးရဲ့ ..ကလေး တွေ မင်္ဂလာဆောင်ရင်လဲ အဖွားကို ဖိတ်ဖို့ မမေ့နဲ့ အုံးနော်..
ဆိုပြီးတော့.. ဖက်လှဲတကင်း ကို နှုတ်ဆက် နေပါတော့တယ်.။

အော်.. တော်တော်လည်း တတ်နိုင်ပါလား အဖွားရယ်။။။

ကျွန်တော့် စိတ်ထဲမှာတော့ အဖွား ဟာ.. မှုံရွှေရည် ရုပ်ရှင်ထဲက ခင်သန်းနု လို မျိုး ... ဇာတ်စင်ပေါ်မှာ အငြိမ့်က နေတုန်း . ၀မ်းနည်းစရာ သတင်းကို သိရလို့ .. ဇာတ်စင် အနောက်ဘက် လှည့်ပြီး မျက်ရည် ကျ ရပေမဲ့. ပရိသတ်ရှေ့ ကို မျက်နှာမူလိုက်ရင်တော့.. အပြုံးမပျက် က.ပြ အသုံးတော် ခံသွားတဲံ...........ခင်သန်းနု ရဲ့ အကယ်ဒမီ ရှော့် ..ပြကွက်လေးကို မျက်လုံးထဲ မြင်ယောင်လာပါတယ်.

အော်........အဖွား..အဖွား..........ရုပ်ရှင်ရိုက်ရင်တော့..ခင်သန်းနု ထက်တောင် သာ နိုင်အုံးမယ် လို့ ပဲ စိတ်ထဲ ကြိ်တ်ပြုံး လိုက်ရပါတော့တယ်.။

လောက မှာ လူတွေ ကြားထဲမှာ ရှင်သန် ရပ်တည် ဖို့ုဆိုတာကလည်း... ပညာရှိ အမျက် အပြင် မထွက် ဆိုသလို ပါပဲ..
ရင် ထဲမှာ မုန်းနေ ပေမဲ့ .. မျက်နှာက ပြုံးပြီး..ပါးစပ်ကလည်း ချို နေဖို့ ဆိုတာ တကယ်တော့ မလွယ်ပါဘူး..
လူတွေ နဲ့ ဆက်ဆံ ရင်တော့.. လိုအပ်ရင်..ပုတ်သင်ညို လို ပဲ..ချက်ချင်း အရောင် ပြောင်းတတ် ရတယ် ဆိုတာ..အဖွားက..ကျွန်တော့် ကို သင်ပေးလိုက်တာပါပဲ..




ကျွန်တော့် အတွက်ကတော့ အဖွားဟာ ပေါင်းသင်းဆက်ဆံရေး ပါရဂူ တစ်ဆူပါပဲ ။ ဒီအသက်အရွယ်အထိ အဖွားလို မျိုး ဆက်ဆံရေး ညက် တဲ့ လူမျိုး မတွေ့ မိသေးပါ။ အသက်အရွယ်ကြီးမြတ်နေတာက တစ်ကြောင်း ပြီးတော့ သူ့ ရဲ့ ဗီဇ အတိုင်း လူတိုင်းကိုတွေ့ ရင် မေတာပို့ . ဆုတောင်းပေးတတ်တာ တစ်ကြောင်း ဒါတွေကြောင့်လည်း ပေါင်သင်းဆက်ဆံေ၇းကောင်းနေတာပဲပေါ့။။


ဒါလေးတွေ ဟာ ပြန်ပြောင်း သတိရစဖွယ် အဖွားရဲ့ အမှတ်တရ ပုံရိပ်တွေ ပါ..



(အဖွား ပြောတဲ့ ဂျပန်ခေတ် နေ့ ရက် များအကြောင်းကို ဆက်လက် ဖော်ပြပေးပါမည်)

ခင်မင်လျက်

ဇော်ပြည့်